Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir í klínískri ónæmisfræði og/ eða blóðgjafafræði

Laust er til umsóknar starf sérfræðilæknis við Blóðbanka- og ónæmisfræðiþjónustu Landspítala. Starfshlutfall er 100%, nema um annað verði samið. Til greina getur komið að ráða lækni með sérfræðiviðurkenningu í skyldum greinum, svo sem öðrum rannsóknagreinum eða blóðsjúkdómafræði.

Blóðbanka- og ónæmisfræðiþjónusta Landspítala varð til við sameiningu Blóðbankans og ónæmisfræðideildar Landspítala í eina kjarnaeiningu árið 2025. Eftir sameininguna starfa á deildinni um hundrað einstaklingar, læknar, lífeindafræðingar, náttúrufræðingar, hjúkrunarfræðingar, skrifstofufólk og aðrir. Starfsandinn einkennist af metnaði, samvinnu, stuðningi og góðum liðsanda. Unnið er í öflugum þverfaglegum teymum innan deildar sem og í nánu samstarfi við aðrar starfseiningar Landspítala.

Hin nýja sameinaða deild veitir alhliða blóðbanka- og ónæmisfræðiþjónustu og er ein sinnar tegundar á Íslandi. Deildin sinnir meðal annars innköllun og nýliðun blóðgjafa, blóðsöfnun, blóðhlutavinnslu, stofnfrumuvinnslu, vefjaflokkagreiningum vegna líffæraígræðslna sem og öðrum þjónusturannsóknum í tengslum við fyrrgreinda þjónustuþætti. Á ónæmisfræðihluta deildarinnar er veitt sérhæfð þjónusta til að greina ofnæmissjúkdóma, gigtar- og sjálfsónæmissjúkdóma, ónæmisgalla og annars konar konar van- eða ofstarfsemi ónæmiskerfisins. Nýttar eru fjölbreytilegar rannsóknaraðferðir til mats og greiningar virkni ónæmiskerfisins. Í tengslum við blóðbanka- og ónæmisfræðiþjónustu Landspítala er rekin göngudeild á sviði ofnæmis- og ónæmislækninga.

Á Blóðbanka- og ónæmisfræðiþjónustu Landspítala fer fram öflug kennsla háskólanema, starfsþjálfun nema í heilbrigðisgreinum, sem og kraftmiklar vísindarannsóknir í samvinnu við rannsakendur innan og utan Landspítala. Deildin hefur formleg tengsl við læknadeild Háskóla Íslands og við Háskólann í Reykjavík.

Menntunar- og hæfniskröfur

Íslenskt sérfræðileyfi í klínískri ónæmisfræði og/ eða blóðgjafafræði

Íslensk sérfræðiviðurkenning í skyldum sérgreinum, ef í starfið verður ráðinn læknir sem ekki er með sérmenntun á sviði ónæmis- eða blóðgjafafræði

Jákvæðni, sveigjanleiki og lipurð í samskiptum

Mikilvægt er að umsækjendur geti unnið sjálfstætt að verkefnum, en geti líka unnið sem hluti af í teymum

Þekking og reynsla af öryggis-, gæða- og umbótastarfi er kostur

Reynsla af kennslu- og vísindastarfi er æskileg

Helstu verkefni og ábyrgð

Almenn sérfræðilæknisstörf við Blóðbanka- og ónæmisfræðiþjónustu Landspítala

Yfirferð á rannsóknasvörum, þar með talin túlkun og ráðgjöf til aðila innan og utan Landspítala

Almenn ráðgjöf á sviði ónæmis- og blóðbankafræði til starfsfólks Landspítala og til annarra stofnana og fagaðila

Sérfræðiumsjón með tilteknum rannsóknum og/ eða sérsviðum

Þróun og innleiðing nýrra rannsóknaaðferða í samráði við yfirlækni og aðra stjórnendur

Þátttaka í gæðastarfi og eftirfylgni

Kennsla og handleiðsla deildarlækna og háskólanema

Þátttaka í kennslu og vísindarannsóknum

Önnur verkefni sem taka mið af þekkingu og reynslu viðkomandi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu, gæðavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, Sérfræðilæknir, læknir með lækningaleyfi

Tungumálahæfni: Íslenska 4/5

Nánari upplýsingar

Þorbjörn Jónsson, [email protected], 825-3548

Blóðbankinn, sameiginlegt

Snorrabraut 60

105 Reykjavík

Auglýsing birt17. júlí 2025

Umsóknarfrestur14. ágúst 2025

Tungumálahæfni

Íslenska

Nauðsyn

Mjög góð

Staðsetning

Snorrabraut 60, 105 Reykjavík

Starfstegund

Starfsgreinar

Starfsmerkingar

Fleiri störf (50)

Háskólamenntaður starfsmaður í náttúruvísindum á Sýkla- og veirufræðideild