Laus störf Hæfnileit Vinnustaðir Námskeið

Starfsgreinasamband Íslands

Starfsgreinasamband Íslands (SGS) er fjölmennasta landssamband launafólks á Íslandi og stærsta landssambandið innan ASÍ, með samtals um 44.000 félagsmenn. Meginhlutverk SGS er að sameina verkalýðsfélög í baráttunni fyrir bættum kjörum, standa vörð um áunnin réttindi, vera leiðandi afl innan verkalýðshreyfingarinnar og vettvangur umræðu um þróun samfélagsins í þágu launafólks.

Vinnustaðurinn

Verkefnastjóri

Starfsgreinasamband Íslands leitar að skipulögðum, drífandi og jákvæðum verkefnastjóra í 100% framtíðarstarf á skrifstofu sambandsins. Um er að ræða lifandi og fjölbreytt starf þar sem margþætt menntun og reynsla nýtist vel.

Helstu verkefni og ábyrgð

Sinnir ráðgjöf og þjónustu við aðildarfélög SGS á sviði kjara-, vinnumarkaðs- og starfsfræðslumála.
Leiðbeinir starfsfólki og félagsmönnum aðildarfélaga SGS varðandi túlkun á kjarasamningum.
Hefur umsjón með útgáfu- og kynningarmálum SGS.
Þátttaka í skipulagningu og undirbúningi viðburða.
Þátttaka í innra starfi SGS, seta í nefndum og vinnuhópum fyrir hönd SGS, seta á formanna- og framkvæmdastjórnarfundum.
Almenn skrifstofustörf, skýrslugerð, fundarritun.
Önnur tilfallandi verkefni í samráði við framkvæmdastjóra.

Menntunar- og hæfniskröfur

Hagnýt menntun sem nýtist í starfi
Framúrskarandi samskiptahæfni og lipurð í mannlegum samskiptum
Skipulagshæfni, frumkvæði og sjálfstæði í vinnubrögðum
Hæfni til að miðla upplýsingum í töluðu og rituðu máli
Lausnamiðað viðhorf til verkefna
Reynsla og áhugi á kjaramálum og málefnum stéttarfélaga
Góð tölvufærni skilyrði
Góð íslenskukunnátta skilyrði
Góð enskukunnátta skilyrði

Fríðindi í starfi

Fjölbreytt og krefjandi verkefni
Tækifæri til að móta og þróa starfið
Hádegismatur
Líkamsræktarstyrkur

Umsókninni þarf að fylgja ýtarleg ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Öllum umsóknum verður svarað þegar ákvörðun um ráðningu liggur fyrir.

Nánari upplýsingar veitir Björg Bjarnadóttir, framkvæmdastjóri SGS, á netfanginu [email protected] eða í síma 899 2331.

Auglýsing birt21. ágúst 2025

Umsóknarfrestur1. september 2025

Tungumálahæfni