Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingar óskast á endurhæfingardeildina á Grensási

Við leitum eftir hjúkrunarfræðingum á endurhæfingardeild Landspítala á Grensási. Við bjóðum velkomna bæði reynslumikla sem og nýútskrifaða hjúkrunarfræðinga í okkar góða hóp því við teljum gott að hafa breidd í þekkingu og reynslu.

Á Grensási er veitt frumendurhæfing eftir erfið veikindi og slys. Hjúkrunin er fjölbreytt og áhersla er á þverfaglega samvinnu. Starfsánægja er mikil og starfsmannavelta lítil, þetta er dýrmætt tækifæri fyrir hjúkrunarfræðinga til að kynnast öflugri teymisvinnu í þverfaglegu umhverfi. Síðastliðin ár hefur mikil uppbygging verið í starfseminni, þjálfunarsundlaug verið endurgerð og hannaður meðferðargarður við húsið. Glæsileg nýbygging verður opnuð árið 2027 og verður öll aðstaða þar eins og best verður á kosið.

Starfið er laust nú þegar eða samkvæmt nánara samkomulagi og er frá 80-100% starfshlutfall.

Menntunar- og hæfniskröfur

Íslenskt hjúkrunarleyfi

Faglegur metnaður og ábyrgð í starfi

Hæfni og áhugi á teymis- og verkefnavinnu

Sjálfstæði, frumkvæði og lausnamiðuð nálgun

Jákvætt viðhorf og samskiptahæfileikar

Góð íslenskukunnátta

Helstu verkefni og ábyrgð

Ákveða, skipuleggja og veita hjúkrunarmeðferð

Þátttaka í þverfaglegri teymisvinnu

Fræðsla til sjúklinga og aðstandenda

Þátttaka í þverfaglegum faghópum

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, endurhæfing

Tungumálahæfni: íslenska 4/5

Staðsetning: Álmgerði, 108 Reykjavík

Nánari upplýsingar

Guðrún Bragadóttir

Tölvupóstur: [email protected]

Auglýsing birt5. janúar 2026

Umsóknarfrestur26. janúar 2026

Tungumálahæfni

Íslenska

Nauðsyn

Mjög góð

Staðsetning

Álmgerði, 108 Reykjavík

Starfstegund

Starfsgreinar

Starfsmerkingar

Fleiri störf (50)