Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Skrifstofustarf - starfsmannafélag Landspítala

Við leitum að áreiðanlegum og þjónustulunduðum einstaklingi í skrifstofustarf fyrir starfsmannafélag Landspítala.

Um 50% starf er að ræða og mun viðkomandi tilheyra mannauðsdeild Landspítala en starfa fyrir starfsmannafélagið.

Starfið er fjölbreytt og skemmtilegt skrifstofustarf þar sem þjónusta við félagsfólk er í fyrirrúmi. Starfið felst meðal annars í allri umsýslu er varðar orlofshús félagsins, bókanir og uppgjör þeirra í gegnum orlofskerfi. Unnið er í nánu samstarfi við stjórn starfsmannafélagsins að hinum ýmsu verkefnum, s.s. skipulagningu, utanumhaldi og auglýsingum á viðburðum félagsins, skipulagningu íþróttastarfs og afsláttarkjara fyrir félagsmeðlimi í gegnum Spara appið. Þá ber viðkomandi einnig ábyrgð á að halda utan um reikninga fyrir starfsmannafélagið.

Starfsmannafélag Landspítala starfar í þágu allra starfsmanna spítalans. Á vegum félagsins fer fram margs konar félags- og íþróttastarf og stuðlað er að heilbrigðri útvist með skipulögðum ferðum fyrir starfsmenn og fjölskyldur þeirra. Orlofshús starfsmanna eru 18 og njóta mikilla vinsælda.

Education and requirements

Hagnýt menntun og/eða starfsreynsla sem nýtist í starfi

Mjög góð tölvukunnátta

Nákvæm vinnubrögð og skipulagshæfni

Framúrskarandi þjónustulund og færni í mannlegum samskiptum

Góð íslensku- og enskukunnátta í töluðu og rituðu máli

Responsibilities

Almenn skrifstofustörf s.s. símsvörun, svörun tölvupósts og upplýsingagjöf

Þjónusta við félagsfólk, til dæmis vegna skráningar í starfsmannafélagið og bókun orlofshúsa

Öll umsýsla með orlofshús starfsmannafélagsins, svo sem utanumhald á bókunarkerfi og úthlutun orlofshúsa

Skipulagning og utanumhald viðburða á vegum starfsmannafélagsins

Skrifa fréttir og auglýsa viðburði á innri vefum Landspítala

Önnur tilfallandi verkefni í samráði við stjórn starfsmannafélagsins

Starfshlutfall: 50%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: heilbrigðisþjónusta, skrifstofustarf, ritari

Nánari upplýsingar

Sigurbjörg Dagmar Hjaltadóttir, sigurbjoh@landspitali.is,

Mannauðsdeild

Skaftahlíð 24

105 Reykjavík

Advertisement published8. November 2024

Application deadline22. November 2024

Language skills

No specific language requirements

Location

Skaftahlíð 24, 105 Reykjavík

Type of work

Professions

Job Tags

Other jobs (50)