Stjórnsýslu-og fjármálasvið

Múlaþing er sveitarfélag á Austurlandi með um 5.300 íbúum. Undir Múlaþing heyra Fljótsdalshérað, Djúpivogur, Borgarfjörður eystri og Seyðisfjarðarkaupstaður. Stjórnsýslu-og fjármálasvið sér um atvinnu-og menningarmál, fjármál og stjórnsýslu sveitarfélagsins. Á sviðinu starfa um 40 starfsmanneskjur.

About

Þjónustufulltrúi á skrifstofu á Seyðisfirði

Laust er til umsóknar 75% starf þjónustufulltrúa á skrifstofu Múlaþings á Seyðisfirði. Æskilegt er að starfsmaður geti hafið störf sem fyrst. Um tímabundið starf í eitt ár er að ræða.

Starfsstöð er á skrifstofu sveitarfélagsins við Hafnargötu 44 á Seyðisfirði og því æskilegt að viðkomandi sé búsettur á Seyðisfirði.

Næsti yfirmaður er skrifstofustjóri Múlaþings.

Helstu verkefni og ábyrgð

Taka á móti þeim sem eiga erindi við sveitarfélagið á skrifstofu á Seyðisfirði, veita upplýsingar og leiðbeina
Setja fréttir og annan texta, skjöl og myndir á heimasíðu sveitarfélagsins
Vinna með kynningar- og upplýsingafulltrúa varðandi upplýsingagjöf
Koma að vinnu við stafræna miðla í samráði við sérfræðing stafrænna lausna
Aðstoða við frágang skjala í málakerfi í samráði við skjalastjóra

Menntunar- og hæfniskröfur

Stúdentspróf eða sambærileg menntun sem nýtist í starfi
Reynsla af störfum hjá stjórnsýslu sveitarfélags kostur
Þekking á almennum tölvuforritum og leikni í upplýsingatækni
Samskipta- og skipulagshæfni, frumkvæði, sjálfstæði og metnaður
Mjög góð íslenskukunnátta og færni í textagerð. Góð enskukunnátta
Góð þjónustulund og öguð og nákvæm vinnubrögð

Fríðindi í starfi

Heilsueflingarstyrkur

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Öllum umsóknum skal fylgja yfirlit yfir nám og fyrri störf, afrit af prófskírteini ásamt kynningarbréfi. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Óðinn Gunnar Óðinsson skrifstofustjóri í síma 4700700 eða á netfanginu odinn.gunnar.odinsson@mulathing.is

Tekið er mið af jafnréttisáætlun Múlaþings við ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Advertisement published19. November 2024

Application deadline4. December 2024

Language skills