Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Hjúkrunarfræðingur - Áhugavert starf á útskriftardeild Landakoti

Við óskum eftir hjúkrunarfræðingi sem hefur áhuga á útskriftarmálum aldraðra og fjölskylduhjúkrun. Í boði er áhugavert starf fyrir framsækinn, hugmyndaríkan og lausnamiðaðan hjúkrunarfræðing. Viðkomandi þarf að búa yfir góðri samskiptahæfni, hafa brennandi áhuga á framþróun þjónustu og bættum ferlum og eiga auðvelt með að starfa í teymi.

Meginhlutverk er útfærsla á þjónustuþörf sjúklinga til að efla búsetu í heimahúsum. Viðtöl við aðstandendur, fræðsla og samþætting þjónustu eftir útskrift. Mikil samskipti eru við stoðstéttir innan spítalans og aðrar stofnanir og góð tækifæri í vinnslu verkferla og skipulags. Hjúkrunarfræðingur vinnur náið með deildarstjóra.

Á deildinni starfa um 60 einstaklingar í þverfaglegu teymi. Góður starfsandi er ríkjandi og tækifæri eru til að vaxa í starfi. Starfshlutfall er 80-100% og er upphaf starfa og vinnufyrirkomulag samkomulag. Ef áhugi er fyrir hendi er hægt að taka vaktir meðfram þessari vinnu en ekki nauðsyn. Er því vaktavinna valkvæð.

Education and requirements

Íslenskt hjúkrunarleyfi

Faglegur metnaður og ábyrgð í starfi

Jákvætt viðmót og góð samskiptahæfni

Áhugi á hjúkrun aldraðra

Góð íslenskukunnátta

Góð yfirsýn og skipulagshæfileiki kostur

Responsibilities

Ákveður, skipuleggur og veitir hjúkrunarmeðferð í samráði við skjólstæðing og teymi deildar

Vinnur að farsælli útskrift skjólstæðinga

Skipuleggur og veitir fræðslu til sjúklinga og aðstandenda og vinnur að upplýsingasöfnun

Þátttaka í teymisvinnu

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, öldrun,

Tungumálahæfni: íslenska 4/5

Nánari upplýsingar

Sigurdís Ólafsdóttir, sigurdio@landspitali.is,

Öldrunarlækningadeild I

v/Túngötu

101 Reykjavík

Advertisement published20. November 2024

Application deadline2. December 2024

Language skills

Icelandic

Required

Very good

Location

Túngata 26, 101 Reykjavík

Type of work

Professions

Job Tags

Other jobs (50)