Aðstoðardeildarstjóri hjúkrunar á sameinaðri endurhæfingardeild K1 og L1 Landakoti

Við leitum eftir kraftmiklum hjúkrunarfræðingi í starf aðstoðardeildarstjóra hjúkrunar á sameinaðri endurhæfingardeild K1 og L1 á Landakoti. Landkot er staðsett í rólegu og rótgrónu hverfi miðsvæðis í Reykjavík, andinn í húsinu er einstakur og nálægð við mannlíf Miðborgarinnar er kostur eftir langa vinnudaga.

Viðkomandi þarf að hafa mikla samskiptahæfni og áhuga á að takast á við breytingar. Hér er um spennandi tækifæri að ræða fyrir hjúkrunarfræðinga á nýsameinaðri endurhæfingardeild þar sem áhersla er á endurhæfingu og að auka lífsgæði einstaklinga eftir bráðaveikindi eða brot.

Starfið felur í sér mikla teymisvinnu þar sem unnið er í góðu samstarfi við aðrar fagstéttir sem koma að meðferð og endurhæfingu sjúklinga innan og utan spítalans. Gæðaverkefni og umbótastarf er í stöðugum vexti innan endurhæfingarþjónustunnar, þvert á einingar.

Deildirnar voru nýverið sameinaðar undir einn deildarstjóra, því eru mikil tækifæri til að vinna að umbótaverkefnum sem er spennandi vettvangur fyrir hjúkrunarfræðinga. Starfið felur í sér fjölbreytta hjúkrun og boðið er upp á ítarlega þjálfun fyrir nýtt starfsfólk.

Sveigjanleiki er í boði varðandi vinnutíma þar sem áhersla er lögð á góð samskipti við samstarfsfólk, skjólstæðinga og aðstandendur.

Landakot er inngildandi vinnustaður, þar sem fjölbreytileiki íslensks samfélags fær að njóta sín og mannvirðing er höfð að leiðarljósi.

Starfshlutfall er 100% og er starfið laust frá 1.janúar 2025 eða samkvæmt nánara samkomulagi.