Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Vefstjóri

Við óskum eftir hæfum og reyndum einstaklingi til að leiða mótun vefstefnu Landspítala, þróa lausnir og efla stafræna upplifun skjólstæðinga. Viðkomandi mun bera ábyrgð á stefnumótun, verkefnastýringu og þróun á ytri og innri vefsvæðum spítalans, svo sem Landspítali.is, innri vef Landspítala og Workplace. Þetta hlutverk krefst skilnings á stafrænni vegferð, tækni og getu til að samræma vefstefnu við markmið framkvæmdastjórnar.

Landspítali er einn stærsti og mikilvægasti vinnustaður landsins. Mikil framþróun læknavísinda og tækni auk þeirra miklu breytinga í þjónustu sem almenningur þarf í framtíðinni setur miklar kröfur á spítalann. Með byggingu nýs meðferðarkjarna samhliða stafrænni umbreytingu í starfseminni ætlar Landspítali að verða í fremstu röð spítala í Evrópu. Þessum markmiðum verður ekki náð án þess að nýir ferlar, ný tækni, samþætting og sjálfvirkni leiki lykilhlutverk og forsenda árangurs er frábært starfsfólk. Vilt þú vera leiðandi í að gera þessa framtíð að veruleika?

Helstu verkefni og ábyrgð

Leiða flutning núverandi vefs Landspítala yfir á island.is

Leiða samskipti milli ólíkra haghafa í starfseminni við þróun lausna

Innleiða notendamiðaða hönnun (UX) og viðmót (UI) til að bæta þjónustu við notendur

Móta og framfylgja stefnu Landspítala varðandi notkun vefmiðla

Þátttaka í efnisgerð og miðlun efnis

Menntunar- og hæfniskröfur

Reynsla af verkefnastýringu og innleiðingu vefja og stafrænna lausna

Þekking og reynsla af notendamiðaðri hönnun (UX) og viðmóti (UI)

Reynsla af ólíkum vefumsjónarkerfum

Reynsla af verkferlagreiningu og stafrænni umbreytingu

Mikil færni í mannlegum samskiptum, jákvætt hugarfar, þjónustulund og frumkvæði

Góð greiningar- og skipulagshæfni, öguð og sjálfstæð vinnubrögð

Mjög gott vald á íslensku og ensku í ræðu og riti er skilyrði

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: vefstjóri, upplýsingatækni, tölvunarfræðingur, verkefnastjóri, nýsköpun

Nánari upplýsingar

Sigrún Eyjólfsdóttir, sigruney@landspitali.is,

Þróunarsvið sameiginlegt

Skaftahlíð 24

105 Reykjavík

Auglýsing stofnuð19. apríl 2024

Umsóknarfrestur3. maí 2024

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (39)

Sérfræðilæknir í myndgreiningu, brjóstamyndgreiningardeild Landspítala