Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingar/ nýútskrifaðir óskast á kjörár á Landspítala 2024-2025

Hefur þú áhuga á virkri starfsþróun á fyrsta árinu þínu í starfi?

Nýútskrifaðir hjúkrunarfræðingar óskast til starfa á Landspítala. Þeir sem hafa áhuga býðst að ráða sig á ++sérstakt kjörár++ sem felur í sér að starfa á tveimur tengdum deildum á fyrsta árinu í starfi. Kjörár er hugsað fyrir hjúkrunarfræðinga sem hafa hug á að sérhæfa sig á ákveðnum sérsviðum hjúkrunar.

Allir nýútskrifaðir hjúkrunarfræðingar taka þátt í sérstöku en markmið þess er að auka hæfni þeirra til að takast á við áskoranir í starfi, stuðla að auknum gæðum hjúkrunar og öryggi sjúklinga, auk þess að efla fagmennsku og ánægju í starfi.

Menntadeild Landspítala skipuleggur starfsþróunarárið með hliðsjón af stöðlum frá American Association of Colleges of Nursing. Frá miðjum september 2024 og fram í apríl 2025 verður boðið upp á reglulega fræðsludaga, þar sem fjölbreyttum kennsluaðferðum er beitt, þar með talið hermikennslu.

Boðið verður upp á eftirfarandi deildir / svið hjúkrunar á kjörári 2024-2025

Öldrunardeild og t.d. bráðamóttaka eða gjörgæsla
Geðdeildir
Krabbameinsdeildir
Taugalækningadeild og t.d. bráðamóttaka eða gjörgæsla eða göngudeild
Kvenlækningadeildir (fyrir þá sem hafa hug á ljósmóðurfræði)
Lyflækningadeild og tengd deild (m.v. áhugasvið)
Skurðlækningadeild og tengd deild (m.v. áhugasvið)

Vinsamlegast skráið óskir um deildir undir " Annað "

Helstu verkefni og ábyrgð

Veita heildræna hjúkrun og beita gagnreyndum starfsháttum

Greina hjúkrunarþarfir sjúklinga, setja fram markmið og meðferðaráætlun í samvinnu við sjúklinga, skrá og meta árangur

Fyrirbyggja fylgikvilla sjúkrahúslegu og alvarlegar afleiðingar þeirra

Samhæfa útskrift og veita sjúklingum og aðstandendum fræðslu

Taka þátt í þróun hjúkrunar á deild

Þátttaka í þverfaglegri teymisvinnu

Menntunar- og hæfniskröfur

Hafi lokið námi í hjúkrunarfræði sem veitir starfsréttindi sem hjúkrunarfræðingur á Íslandi

Íslenskt hjúkrunarleyfi eigi síðar en október 2024

Faglegur metnaður og áhugi

Góð samskiptahæfni og jákvætt viðmót

Sveigjanleiki og sjálfstæði í vinnubrögðum

Áhugi og hæfni til að takast á við breytingar og færni í teymisvinnu

Góð íslenskukunnátta

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun

Nánari upplýsingar

Eygló Ingadóttir, eygloing@landspitali.is,

Skrifstofa framkvæmdastjóra hjúkrunar

Skaftahlíð 24

105 Reykjavík

Auglýsing stofnuð17. janúar 2024

Umsóknarfrestur14. júní 2024

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (48)

Iðjuþjálfi - Fjölbreytt starf í geðþjónustu Landspítala