Hjúkrunarfræðingur á vöknun í Fossvogi
Við óskum eftir að ráða metnaðarfullan hjúkrunarfræðing til starfa á vöknun Landspítala í Fossvogi. Unnið er í vaktavinnu og er starfshlutfall samkomulag. Starfið laust frá og með 1. júní 2024 eða eftir nánara samkomulagi.
Verkefni hjúkrunarfræðinga á vöknun eru fjölbreytt og snúa að því að sinna bæði börnum og fullorðnum eftir skurðaðgerðir. Á deildina leggjast einnig inn sjúklingar eftir aðrar rannsóknir gerðar í svæfingu eða deyfingu. Við bjóðum einstaklingsmiðaða þjálfun á góðum vinnustað þar sem áhersla er lögð á teymisvinnu, fagmennsku og starfsþróun.
Vöknun er sólarhringsdeild og tilheyrir svæfingu í Fossvogi þar sem unnið er í góðu samstarfi í þverfaglegu teymi fjölmarga fagmanna spítalans. Á deildinni starfa u.þ.b. 20 starfsmenn, hjúkrunarfræðingar og sjúkraliðar og þar ríkir góður starfsandi.