Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunardeildarstjóri á kviðarhols- og þvagfæraskurðdeild

Við leitum eftir öflugum leiðtoga sem býr yfir færni í stjórnun, rekstri og eflingu mannauðs, til að leiða starfsemi kviðarhols- og þvagfæraskurðdeildar. Starfið er unnið í nánu samstarfi við framkvæmdastjóra, forstöðuhjúkrunarfræðing og annað starfsfólk. Hjúkrunardeildarstjóri þarf að búa yfir afburða hæfni í samskiptum og stuðla að teymisvinnu innan deildar, við aðra stjórnendur og samstarfsaðila. Deildarstjóri er yfirmaður hjúkrunar á deildinni, stjórnar daglegum rekstri og er leiðandi um hjúkrunarfræðileg málefni.

Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Næsti yfirmaður er forstöðuhjúkrunarfræðingur dag- og legudeilda. Starfshlutfall er 100% dagvinna og veitist starfið frá 1. ágúst 2024.

Kviðarhols- og þvagfæraskurðdeild heyrir undir skurðlækninga-, skurðstofu- og gjörgæsluþjónustu. Á deildinni starfa um 100 starfsmenn, hjúkrunarfræðingar, sjúkraliðar og annað starfsfólk við fjölbreytt og krefjandi verkefni, í nánu samstarfi við fagfólk í öðrum sérgreinum og á öðrum deildum spítalans. Deildin þjónar einstaklingum sem glíma við sjúkdóma í efri og neðri hluta meltingarvegar og í þvagfærum. Deildin er opin allan sólarhringinn alla daga ársins. Vinnutímaskipulag deildar er vaktavinna og unnið er á þrískiptum vöktum.

Helstu verkefni og ábyrgð

Fagleg ábyrgð á uppbyggingu, skipulagi og þróun hjúkrunar á deildinni, setur markmið um gæði og öryggi og tryggir eftirfylgni

Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsfólks á deildinni

Fjárhagsleg ábyrgð, þ.e. ábyrgð á rekstrarkostnaði deildarinnar

Hefur forystu um áframhaldandi uppbyggingu, skipulag og þróun deildarinnar í samráði við aðra stjórnendur

Tryggir að öryggis-, gæða og umbótastarfi sé framfylgt

Þátttaka í vísinda- og rannsóknarstarfi í skurðþjónustu

Starfar náið með deildarstjórum hjúkrunar innan skurðlækningaþjónustu og er virkur þátttakandi í samstarfi þeirra á milli

Framfylgir stefnumótun og áherslum framkvæmdastjórnar Landspítala

Menntunar- og hæfniskröfur

Íslenskt hjúkrunarleyfi

Klínísk starfsreynsla sem hjúkrunarfræðingur

Framhaldsmenntun í hjúkrun og/ eða önnur framhaldsmenntun á háskólastigi sem nýtist í starfi er kostur

Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð

Leiðtogahæfni, áhugi og vilji til að leiða breytingar og umbætur

Jákvætt lífsviðhorf, mjög góð hæfni í samskiptum og til að leiða teymi

Sýn og hæfni til að leiða faglega þróun hjúkrunar og gæða- og öryggismál

Frumkvæði, drifkraftur og stefnumótandi hugsun

Góð íslenskukunnátta

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá ásamt kynningarbréfi með rökstuðningi fyrir hæfni og sýn á starfið

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, deildarstjóri, stjórnunarstarf

Nánari upplýsingar

Ingibjörg Guðmundsdóttir, ingibjgu@landspitali.is, 824-1573

Elfa Hrönn Guðmundsdóttir, elfahg@landspitali.is, 691-7823

Skurðlækningasvið sameiginlegt

Skaftahlíð 24

105 Reykjavík

Auglýsing stofnuð3. maí 2024

Umsóknarfrestur15. maí 2024

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (44)

Sálfræðingur á göngudeild barna- og unglingageðdeildar Landspítala