Umsjón með innkaupum og búnaði

Náttúruverndarstofnun leitar eftir starfsmanni til að samræma innkaup á tækjum og búnaði, þar á meðal ökutækjum stofnunarinnar og greina tækifæri til hagræðingar. Leitað er að talnaglöggum einstaklingi með góða greiningarfærni og hæfni til að finna bestu lausnirnar hverju sinni. Um er að ræða nýtt starf hjá stofnuninni sem ráðið verður í til 1 árs með möguleika á framlengingu. Starfið tilheyrir fjármálasviði stofnunarinnar en krefst mikillar samvinnu við starfsfólk um allt land.

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar, sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.