Landsbankinn

Hjá Landsbankanum starfar fjölbreyttur hópur fólks með ólíka þekkingu, reynslu og bakgrunn. Reynslan sem býr í starfsfólkinu styrkir stoðir rekstrarins á meðan fjárfesting í öflugri endurmenntun, starfsþróun og ráðning nýrra starfskrafta tryggir stöðuga framþróun. Við erum hreyfiafl í samfélaginu og vinnum ötullega að því að rödd bankans sé sterk, traustvekjandi, að hún fylli starfsfólk stolti og efli árangursdrifna menningu.

Vinnustaðurinn

Sérfræðingur í innri endurskoðun

Vegna aukinna verkefna leitum við að sérfræðingi til starfa í innri endurskoðun Landsbankans. Starfið felur í sér fjölbreytt verkefni þvert á bankann og dótturfélög.

Helstu verkefni og ábyrgð

Hlutverk innri endurskoðunar er að veita hlutlæga staðfestingu og sýn á virkni innra eftirlits og vinnubrögð bankans með áhættumiðuðum, virðisaukandi úttektum sem styðja við hlítni í starfsemi bankans. Markmið deildarinnar er styðja við stefnu bankans og hjálpa bankanum að auka skilvirkni og árangur með því að greina og meta áhættu og stjórnarhætti.

Menntunar- og hæfniskröfur

Háskólamenntun sem nýtist í starfi
Góð samskiptafærni og hæfileiki til að miðla þekkingu
Sjálfstæð vinnubrögð, frumkvæði, dómgreind og gagnrýnin hugsun
Greiningar- og skipulagshæfni
Góð íslensku- og enskukunnátta ásamt færni til að tjá sig í ræðu og riti
Reynsla af starfsemi fjármálafyrirtækja og/eða faggilding á sviði innri endurskoðunar er kostur

Nánari upplýsingar veita Þórður Örlygsson, innri endurskoðandi ([email protected]) og Bergþóra Sigurðardóttir hjá mannauði ([email protected]).

Umsóknarfrestur er til og með 2. mars nk.

Auglýsing birt14. febrúar 2025

Umsóknarfrestur2. mars 2025

Tungumálahæfni