Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

Vinnustaðurinn

Þjónustufulltrúi - tímabundið starf

Hefur þú ríka þjónustulund, færni í mannlegum samskiptum og hefur gaman af upplýsingatækni? Við leitum að þjónustufulltrúa á þjónustuborð Advania í tímabundna stöðu með möguleika á áframhaldandi starfi. Ráðið er í stöðuna til eins árs.

Sem þjónustufulltrúi kynnist þú fjölbreyttri starfsemi Advania, færð að eiga samskipti við fjölmarga viðskiptavini og kynnist mikið af starfsfólki þvert á fyrirtækið. Það er einnig mikið lærdómstækifæri í starfinu enda munt þú fá að bera ábyrgð á eða taka þátt í mörgum og fjölbreyttum verkefnum innan ólíkra málaflokka ásamt því að læra á þónokkur kerfi sem hjálpa þér að sinna starfinu þínu enn betur.

Starfssvið

Þjónustufulltrúi er í okkar framlínuteymi og gegnir lykilhlutverki í okkar þjónustuásýnd. Starfið felst meðal annars í því að taka við símtölum og beiðnum sem berast til Advania og ýmist leysa málin í fyrstu snertingu eða spyrja réttu spurninganna til að tryggja málum góðan farveg.

Starfsfólk þjónustuborðs sinnir einnig fjölmörgum reglulegum og tilfallandi sérverkefnum þvert á fyrirtækið sem meðal annars tengjast bókhaldi, skjölun, aðgangsstýringum, viðburðum, sem og upplýsingamiðlun og innri þjónustu við bæði starfsfólk og stjórnendur.

Þjónustuborð Advania

Þjónustuborð Advania samanstendur nú þegar af fjórum frábærum einstaklingum og er hópurinn fjölbreyttur bæði í aldri, kyni og áhugamálum. Öll eiga þau það sameiginlegt að hafa virkilega gaman af mannlegum samskiptum, að greina vandamál og elska að veita afburða þjónustu. Á þjónustuborði Advania er lögð rík áhersla á skilvirk vinnubrögð, sjálfvirknivæðingu og einföldun á ferlum.

Hæfnikröfur

Fyrst og fremst leitum við að einstaklingi með brennandi áhuga á mannlegum samskiptum og ríkan vilja til að veita afburða þjónustu
Þar sem þjónustufulltrúar starfa þvert á fyrirtækið snerta þau á fjölmörgum mismunandi kerfum og leggjum við því áherslu á að umsækjendur búi yfir góðri almennri tæknikunnáttu og hafi áhuga á upplýsingatækni
Hreint sakavottorð

Eftirfarandi atriði geta verið kostur en eru ekki krafa:

Reynsla af því að vinna í Navision bókhaldskerfi
Reynsla af Service Now eða öðru beiðnakerfi
Reynsla af Microsoft Office 365

Advania - Þar sem tæknin mætir gleðinni!

Advania er alhliða þjónustufyrirtæki í upplýsingatækni sem þjónustar tugþúsundir viðskiptavina í atvinnulífinu. Við erum stolt af því að bjóða upp á lausnir sem mæta fjölbreyttum þörfum viðskiptavina okkar.

Vinnustaðurinn okkar er fjölskylduvænn, lifandi og skemmtilegur! Við leggjum mikla áherslu á að vera einn besti vinnustaður landsins, sem kemur best fram í vinnustaðagreiningum sem hafa sýnt mikla ánægju starfsmanna um árabil.

Fjarvinna? Engin vandamál! Í kjölfar heimsfaraldurs hefur Advania markað sér fjarvinnustefnu og mun starfsmönnum varanlega standa til boða að vinna að hluta til í fjarvinnu. Við erum líka með virka sjálfbærnistefnu og fylgjumst grannt með okkar kolefnisspori, aðfangakeðju og áhrifum okkar á samfélagið. Við setjum okkur háleit markmið um úrbætur.

Höfuðstöðvar okkar í Guðrúnartúni eru sannkölluð paradís! Þar er boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsmenn og stuttfætta gesti. Og ef þú ert að velta fyrir þér hvort kaffið sé gott, þá er svarið já - það er frábært!

Ef þú leitar að spennandi verkefnum, góðu vinnuumhverfi og hressum vinnufélögum, þá finnurðu það hjá okkur. Komdu og vertu hluti af Advania fjölskyldunni!

Ferli ráðninga hjá Advania

Ertu tilbúin/n að taka næsta skref í ferlinu? Hér er hvernig við gerum það hjá Advania!

Tekið á móti umsóknum til 30. nóvember 2024
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsmenn mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Við hjá Advania leggjum mikla áherslu á að ferlið sé sanngjarnt og gegnsætt. Við hlökkum til að kynnast þér og sjá hvort þú sért næsti frábæri liðsfélagi okkar!

Nánari upplýsingar

Nánari upplýsingar veitir Anita Brá Ingvadóttir, anita.bra.ingvadottir@advania.is / 4409000.

Auglýsing birt18. nóvember 2024

Umsóknarfrestur30. nóvember 2024

Tungumálahæfni