Kerfisstjóri í notendaþjónustu - Reykjavík og Akureyri

Við leitum að glaðlyndri, ábyrgri og áhugasamri manneskju í starf kerfisstjóra í notenda- og útstöðvaþjónustu Advania. Ef þú hefur brennandi áhuga á tækni og ert með framúrskarandi þjónustulund þá yrðir þú fullkomin viðbót í okkar frábæra teymi!

Starf kerfisstjóra felur í sér almenna þjónustu við úrlausn tæknilegra vandamála sem kunna að koma upp hjá okkar viðskiptavinum hvort það sé í skýjalausnum, útstöðvum, símalausnum eða öðrum vandamálum sem okkar viðskiptavinir lenda í.

Við leitum að persónu sem er almennt tæknilega sinnuð og fljót að tileinka sér nýja hluti. Við viljum sjá þig blómstra í starfsumhverfi þar sem skilvirkni skiptir máli og sjálfstæði er lykillinn að árangri. Æskilegt er að þú hafir góða þekkingu á upplýsingatækni og það væri sannarlega kostur ef þú værir með vottaða þekkingu á sviði Microsoft.

Hæfnikröfur

• Framúrskarandi þjónustulund og vilji til að fara fram úr væntingum viðskiptavina
• Reynsla og góð þekking á upplýsingatækni
• Öguð vinnubrögð og geta til að vinna sjálfstætt
• Reynsla af rekstri IT kerfa fyrirtækja er kostur
• Góð þekking á Microsoft Windows stýrikerfinu, Microsoft 365 og öðrum algengum notendahugbúnaði
• Þekking á Active Directory og Microsoft Server kostur
• Vottuð þekking á sviði ofangreindra Microsoft lausna er kostur

Við hvetjum öll kyn til að sækja um hjá okkur.

Ef þú hefur áhuga á starfinu en uppfyllir ekki allar kröfur þá hvetjum við þig samt sem áður til þess að sækja um, þú gætir einmitt verið einstaklingurinn sem við leitum að.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

1. Tekið á móti umsóknum til 25. nóvember 2024
2. Yfirferð umsókna
3. Boðað í fyrstu viðtöl
4. Boðað í seinni viðtöl
5. Verkefni eða próf lögð fyrir ef við á
6. Öflun umsagna / meðmæla
7. Ákvörðun um ráðningu
8. Öllum umsóknum svarað

Starfsmenn mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Franz Viktor Kjartansson deildarstjóri User & Endpoint, franz.viktor.kjartansson@advania.is / s. 440 9000.