Forstöðumaður sölu hjá Hugbúnaðarlausnum Advania

Vilt þú leiða sölustarfsemi þar sem nýjar hugmyndir og tæknilausnir eru í forgrunni? Við leitum að drífandi og árangursmiðuðum leiðtoga til að stýra og efla söluteymi Hugbúnaðarlausna Advania. Ef þú ert einstaklingur með framúrskarandi hæfileika til að byggja upp sterk viðskiptasambönd, móta framtíðarsýn og leiða öflugt teymi söluráðgjafa, þá er þetta tækifæri fyrir þig!

Ábyrgðarsvið:

• Leiða og þróa samtöl um lausnir sem skila virði fyrir viðskiptavini Advania
• Kynna lausnir í takt við þarfir viðskiptavina og möguleika upplýsingatækni
• Birgjastýring, stærri erlendra birgja eins og Oracle og Salesforce
• Sjálfstæð samningagerð við bæði viðskiptavini og birgja
• Markaðssetning lausna á sviðinu í samstarfi við markaðssvið Advania

Hugbúnaðarlausnir Advania

Starfsfólk Hugbúnaðarlausna veitir sérfræðiráðgjöf og lausnir sem styðja stafræna vegferð stærri fyrirtækja á íslenskum markaði. Ráðgjöfin er byggð á djúpri þekkingu og breiðu úrvali af viðurkenndum, „best-of-breed“ lausnum frá​leiðandi birgjum ásamt eigin lausnum þróaðar með þarfir viðskiptavina og markaðarins að leiðarljósi. Meðal viðskiptavina sviðsins eru mörg af stærstu fyrirtækjum landsins sem og fjöldi stórra stofnana.

Hæfniskröfur:

• Gerð er krafa um haldbæra reynslu af upplýsingatækni og þeim ávinningi sem hún skilar fyrirtækjum og stofnunum
• Framúrskarandi hæfni til að eiga árangursrík samtöl og vinna með teymi
• Reynsla af samningagerð og samskiptum við birgja
• Drifkraftur, frumkvæði og lausnamiðuð hugsun
• Gott vald á íslensku og ensku máli

Við bjóðum:

• Tækifæri til að vera hluti af lykilstjórnendateymi félagsins
• Að stýra beittu en smáu teymi söluráðgjafa fyrir Hugbúnaðarlausnir
• Spennandi starfsvettvang þar sem markmið okkar er að skapa verðmæti með snjallri notkun upplýsingatækni

Hjá okkur færðu tækifæri til að veita framúrskarandi þjónustu byggða á djúpri þekkingu ásamt fjölbreyttu úrvali af viðurkenndum lausnum. Komdu í okkar metnaðarfulla lið þar sem nýsköpun, fagmennska og hágæða þjónusta ráða ríkjum.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu.

Vellíðan og heilsa starfsfólks er okkur afar mikilvæg og er það einkennandi fyrir menningu fyrirtækisins. Við bjóðum uppá sveigjanleika í starfi, svigrúm til að nálgast verkefnin á ólíkan máta og rík tækifæri til lærdóms og starfsþróunar. Einnig bjóðum við öllu starfsfólki aðgengi að sálfræðiþjónustu þeim að kostnaðarlausu.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

1. Tekið á móti umsóknum til 25. nóvember 2024
2. Yfirferð umsókna
3. Boðað í fyrstu viðtöl
4. Boðað í seinni viðtöl
5. Verkefni eða próf lögð fyrir ef við á
6. Öflun umsagna / meðmæla
7. Ákvörðun um ráðningu
8. Öllum umsóknum svarað

Starfsfólk mannauðssviðs, forstjóri, framkvæmdastjóri þess sviðs sem starfið tilheyrir og einstaka starfsmenn sem koma að ráðningu í starfið hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Sigrún Ámundadóttir, framkvæmdastjóri Hugbúnaðarlausna, sigrun.amundadottir@advania.isog Sigrún Ósk Jakobsdóttir, mannauðsstjóri, sigrun.osk.jakobsdottir@advania.is.