Skrifstofustjóri - Lækjarskóli

Lækjarskóli auglýsir eftir skrifstofustjóra í 80% starf.
Starfið er tímabundin afleysing, frá 1. ágúst 2025 - 15. júní 2026.

Skrifstofustjóri vinnur náið með stjórnendum að fjölbreyttum verkefnum í krefjandi og metnaðarfullu starfsumhverfi. Skrifstofustjóri starfar sem aðstoðarmaður skólastjóra um almennan rekstur skólans og starfar náið með stjórnendateymi skólans.

Lækjarskóli er almennur, heildstæður, grunnskóli. Lækjarskóli er staðsettur í fallegu umhverfi við Lækinn í Hafnarfirði. Einkunnarorð Lækjarskóla eru ábyrgð, virðing og öryggi, og endurspeglast allt skólastarfið í þessum orðum. Unnið er samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa jákvæðan skólabrag.

Í Lækjarskóla fögnum við fjölbreytileikanum og áhersla er lögð á vellíðan nemenda og starfsmanna og er leiðarljós skólans ábyrgð, virðing og vellíðan.

Helstu verkefni skrifstofustjóra:

• Umsjón og ábyrgð á daglegum rekstri skrifstofu og ber ábyrgð á samskiptum skóla við þá sem eiga erindi við hana
• Umsýsla ráðningasamninga og samskipti við launadeild
• Umsjón með vinnustund og starfsmannahaldi
• Umsjón með skráningu nemenda, forfallaskráningu og skipulagi forfalla
• Sér um skipulag og stjórnun skjalavörslu
• Sér um pantanir á ýmsum gögnum sem nauðsynleg eru rekstri skólans
• Önnur verkefni skv. starfslýsingu

Menntunar – og hæfnikröfur:

• Háskólamenntun sem nýtist í starfi (B.A./B.S./B.Ed gráða)
• Áhugi á mannauðstengdum verkefnum
• Mjög góð þekking og reynsla af skrifstofustörfum
• Mjög góð tölvukunnátta
• Þekking á Kjarna og Vinnustund kostur
• Mjög góð íslenskukunnátta í ræðu og riti
• Sveigjanleiki og geta til að vinna undir álagi
• Frumkvæði, sjálfstæði í vinnubrögðum og skipulagshæfileikar
• Jákvæðni og vilji til að ná árangri í starfi
• Lipurð í samskiptum og samstarfshæfni
• Stundvísi og samviskusemi

Skilyrði er að viðkomandi hafi hreint sakavottorð.

Umsóknarfrestur er til og með 3. júní 2025

Greinargóð ferilskrá fylgi umsókn.

Nánari upplýsingar um starfið veitir Arna Björný Arnardóttir, skólastjóri, í síma 664-5865 eða í gegnum netfangið [email protected]

Laun eru samkvæmt kjarasamningi Sambands íslenskra sveitarfélaga við BHM.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.