Sérkennari á yngsta stig - Lækjarskóli

Lækjarskóli auglýsir eftir sérkennara í 100% starf.

Lækjarskóli á sér sögu allt aftur til ársins 1877 og er staðsettur í fallegu og grónu umhverfi við Lækinn í Hafnarfirði. Reist var ný skólabygging, björt og rúmgóð, og tekin í notkun árið 2002. Hér er meðal annars að finna bæði sundlaug og íþróttahús. Nemendur eru um 450 talsins. Allir nemendur frá 5. -10. bekk hafa eigin spjaldtölvu til afnota.

Undanfarið skólaár höfum við unnið markvisst með fjögur meginmarkmið: Samstarf heimils og skóla, heilbrigði og vellíðan, aukinn árangur nemenda og altæka hönnun náms (UDL).

Einkunnarorð Lækjarskóla eru ábyrgð, virðing og öryggi, og endurspeglast allt skólastarfið í þessum orðum. Unnið er samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa jákvæðan skólabrag.

Fyrir nokkru hófst innleiðing á Universal Design for Learning (UDL). UDL er aðferðafræði sem er byggð á rannsóknum David Rose (Boston Harvard,1984). UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám og er tilgangurinn að útrýma hindrunum sem standa í vegi fyrir árangri nemenda.

Helstu verkefni og ábyrgð:

• Annast almenna sérkennslu í samvinnu við skólastjórnendur, aðra kennara og foreldra
• Vinna að þróun skólastarfs í samstarfi við stjórnendur og samstarfsfólk
• Stuðla að velferð nemenda í samstarfi við foreldra og annað fagfólk
• Vinna samkvæmt stefnu skólans
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Leyfi til að nota starfsheitið grunnskólakennari (leyfisbréf skal fylgja umsókn)
• Menntun í sérkennslufræðum eða sambærileg menntun
• Lipurð í samskiptum, sveigjanleiki og samstarfshæfni
• Færni í gerð sjónræns skipulags kostur
• Jákvæðni og áhugi á að starfa í skapandi og metnaðarfullu umhverfi
• Reynsla og þekking á fjölbreyttum kennsluaðferðum
• Áhugi á teymiskennslu og þverfaglegu samstarfi
• Víðtæk tölvukunnátta
• Mjög góð íslenskukunnátta
• Stundvísi og samviskusemi.

Skilyrði við ráðningu er að viðkomandi hafi hreint sakavottorð.

Ef þetta er eitthvað sem vekur áhuga þinn ekki hika við að hafa samband við okkur í Lækjarskóla.

Hafðu samband við Örnu B. Arnardóttur, skólastjóra í síma 664-5865, arna@laekjarskoli.is.

Umsóknarfrestur er til og með 23. maí 2025.

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.