Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknar á erfða- og sameindalæknisfræðideild

Laus eru til umsóknar tvö störf sérfræðilækna við erfða- og sameindalæknisfræðideild (ESD) Landspítala sem er hluti af klínískri rannsóknar- og stoðþjónustu Landspítala.

Við leitum eftir metnaðarfullum erfðalæknum til að taka þátt í áframhaldandi uppbyggingu deildarinnar. ESD veitir alhliða erfðaheilbrigðisþjónustu og hún er eina deildin sinnar tegundir á Íslandi. Á ESD er göngudeild og ráðgjafaeining. Deildin rekur einnig sérhæfðar rannsóknarstofur. Á síðustu árum hafa orðið miklar framfarir í greiningu á erfðasjúkdómum og eru einstaklingar með greinda sjaldgæfa sjúkdóma ört vaxandi sjúklingahópur og æ fleiri sérhæfðar meðferðir til staðar.

Vinnan er dagvinna og gert ráð fyrir 36 klst. vinnuviku (100% starfshlutfalli). Reynt er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Á ESD fara fram greiningar, ráðgjöf og vísindarannsóknir, kennsla heilbrigðisstétta. Á deildinni starfa um 40 einstaklingar í öflugu þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum. Við tökum vel á móti nýju samstarfsfólki og veitum góða einstaklingshæfða aðlögun.

Störfin veitast frá 1. maí 2025 eða eftir nánara samkomulagi.

Menntunar- og hæfniskröfur

Íslenskt lækningaleyfi og sérfræðileyfi í erfðalæknisfræði

Jákvæðni, sveigjanleiki og lipurð í samskiptum

Hæfni og geta til að vinna sjálfstætt og í teymi

Þekking og reynsla í háafkastaraðgreiningum og túlkun erfðabrigða

Helstu verkefni og ábyrgð

Sérfræðistörf bæði í klínískri erfðaráðgjöf og á rannsóknarstofum deildarinnar

Tekur þátt í að svara ráðgjafarbeiðnum sem berast deildinni

Kennsla, þjálfun og vísindarannsóknir

Sérfræðiumsjón með rannsóknum á ákveðnum sviðum

Greining tilfella, svörun rannsókna þ.m.t. túlkun og ráðgjöf tengd þeim

Stefnumótun og þróun þjónustu í samráði við stjórnendur

Hjálpar til við útbúa efni til að kynna erfðafræði fyrir almenningi (vefsíður, myndskeið)

Önnur verkefni sem taka mið af þekkingu og reynslu viðkomandi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, Sérfræðilæknir

Tungumálahæfni: íslenska 2/5, enska 3/5

Nánari upplýsingar

Jón Jóhannes Jónsson, [email protected],

Hans Tómas Björnsson, [email protected],

Erfða- og sameindalæknisfræðideild

Skógarhlíð 12

105 Reykjavík

Auglýsing birt1. apríl 2025

Umsóknarfrestur30. apríl 2025

Tungumálahæfni

Enska

Nauðsyn

Meðalhæfni

Íslenska

Nauðsyn

Grunnfærni

Staðsetning

Skógarhlíð 12, 105 Reykjavík

Starfstegund

Starfsgreinar

Starfsmerkingar

Fleiri störf (32)

Íþróttafræðingur - Hefur þú áhuga á að vinna á bráðasjúkrahúsi?