Leikskólinn Krakkakot leitar eftir sérkennslustjóra
Framtíðarsýn okkar á Krakkakoti er að þróa faglegt samstarf innan sérkennslunnar þar sem unnið er í teymisvinnu að stuðningi og kennslu barna með sérþarfir.
Í Garðabæ geta starfsmenn sótt um styrk í þróunarsjóð og er markmið hans að stuðla að framþróun og öflugu innra starfi í leikskólum Garðabæjar.
Krakkakot er sex deilda leikskóli og er hann staðsettur á Álftanesi/Garðabæ. Uppeldis og agastefna skólans er "Uppeldi til ábyrgðar". Helsta náms og þroskaleið barna er hinn frjálsi og sjálfssprottni leikur barna og er leiknum gefið mikið rými í dagskipulagi skólans. Skólinn er hlýlegur og er lögð mikil áhersla á heimilislegt umhverfi og kærleiksrík samskipti sem einkennast af virðingu fyrir börnum, starfsfólki og foreldrum.
Unnið er eftir uppeldisstefnunni "Uppeldi til ábyrgðar" og miðar hún að því að kenna börnum sjálfstjórn og sjálfsaga og að ýta undir sjálfstraust. Uppeldi til ábyrgðar leggur áherslu á jákvæð samskipti, ábyrgð og virðingu.
• Vinnur með og undir stjórn leikskólastjóra
• Sérkennslustjóri starfar eftir starfslýsingu sérkennslustjóra, ásamt því að starfa samkvæmt lögum og reglugerð um leikskóla, lögum um málefni fatlaðra, öðrum lögum er við eiga aðalnámskrá leikskóla og Skólastefnu Garðabæjar
• Leyfisbréf til kennslu* (leyfisbréf fylgi umsókn)
• Að lágmarki 90 námseiningar á einu námssviði aðalnámskrár og menntunarfræði leikskóla
• Framhaldsmenntun í sérkennslufræðum eða reynsla af sérkennslu
• Reynsla af starfi í leikskóla eða starfi með börnum er æskileg
• Reynsla af að stuðningi inn á deild er góður kostur
• Færni í samskiptum
• Frumkvæði í starfi og faglegur metnaður
• Sjálfstæð og skipulögð vinnubrögð
• Íslenskukunnátta á stigi B2 samkvæmt evrópska tungumálarammanum
• Full vinnustytting eða 4 klst. á viku. Hluta styttingar er safnað í vetrafrí, páska- og jólafrí
• Leikskólinn er lokaður í dymbilviku og 2. janúar vegna styttingar starfsfólks
• Opnunartími leikskólans er 7:30-16.30 mánud-fimmtud og 7:30-16:00 á föstudögum
• Fimm skipulagsdagar á ári
• Starfsmannaafsláttur er af leikskólagjöldum og forgangur inn í leikskóla fyrir börn starfsmanna
• Eftir þrjá mánuði í starfi getur starfsfólk fengið árskort í sundlaugar bæjarins, menningarkort í Hönnunarsafnið og bókasafnskort og eftir sex mánuði í starfi getur starfsfólk fengið heilsuræktarstyrk
ÍslenskaMjög góð
