Siðmennt

Siðmennt er félag siðrænna húmanista á Íslandi. Félagið er veraldlegt lífsskoðunarfélag og hefur að viðfangsefni þau viðhorf og lífsgildi sem eru persónulega mikilvæg og náin hverjum einstaklingi í leit að tilgangi og hamingju í lífinu. Siðrænir húmanistar leggja áherslu á að rækta siðræn gildi og þekkingarleit án vísana í yfirnáttúrleg fyrirbrigði. Siðmennt lítur svo á að sannfæringarfrelsi, trúfrelsi og tjáningarfrelsi teljist til almennra lýðréttinda. Þau skuli ná til allra og þau megi hvorki afnema né skerða undir neinum kringumstæðum. Félagið var stofnað árið 1990 í kringum borgaralega fermingu en þróaðist fljótt í að vera fullgilt húmanískt félag með aðild að alþjóðasamtökum húmanista. Siðferðismál, þekkingarfræði og fjölskyldan eru kjarni þeirra viðfangsefna sem Siðmennt sinnir. Félagið býður nú upp á athafnarþjónustu fyrir helstu tímamót lífsins; fæðingu, fermingu, hjónaband og lífslok.

Vinnustaðurinn

Verkefnastjóri við gerð fræðsluefnis

Siðmennt, félag siðrænna húmanista á Íslandi, auglýsir eftir fjölhæfum einstaklingi til að taka að sér endurbætur á námskrá og verkfærakistu sem og gerð kennsluhandbókar fyrir fermingarfræðslu Siðmenntar.

Um tímabundið verktakastarf er að ræða sem hefst um miðjan júlí og eru lokaskil áætluð 1. október, að undanskildu leiðbeinendanámskeiði sem haldið er í október/nóvember.

Helstu verkefni og ábyrgð

Verkefnastjórnun: Samskipti við skrifstofu, ráðgjafa og leiðbeinendur.
Uppfærsla á námskrá: Námskráin lesin yfir, lærdómur dreginn af innleiðingu hennar og innihald hennar uppfært eftir þörfum.
Samantekt verkefnapakka: Kennsluhandrit fyrir hverja af fjórum stoðum fermingarfræðslunnar, ásamt leiðbeiningum um stýringu leikja og umræðna.
Kennsluhandbók: Kennsluhandbók sem inniheldur leiðbeiningar um lóðsun fermingarnámskeiða.
Leiðbeinendaþjálfun: Þjálfun leiðbeinenda og innleiðing nýrra vinnuhátta. Leiðbeinendaþjálfunin samanstendur af tveimur sams konar námskeiðum (annað um helgi og hitt á virkum kvöldum).

Menntunar- og hæfniskröfur

Menntun og reynsla sem nýtist í starfi.
Reynsla af starfi með unglingum er kostur, svo sem kennslu í efri bekkjum grunnskóla eða leiðbeinendastörf í æskulýðsstarfi.
Reynsla af námsefnisgerð, lóðsun (e. facilitation) og kennslu/námskeiðahaldi er kostur.
Framúrskarandi íslenskukunnátta sem nýtist í vandaðri textagerð og miðlun efnis.
Skipulagshæfileikar og sjálfstæði í vinnubrögðum.

Til að byrja með fer vinnan fram á heimaskrifstofu.

Umsóknarfrestur er til og með 9. júlí

Umsókn skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar.

Nánari upplýsingar um verkefnið fást hjá Guðrúnu Þóru Arnardóttur, framkvæmdastjóra Siðmenntar – gudrunthora@sidmennt.is

Allar umsóknir skulu berast í gegnum Alfred.is

Félagið var stofnað árið 1990 í kringum borgaralega fermingu en þróaðist fljótt í að vera fullgilt húmanískt félag með aðild að alþjóðasamtökum húmanista (e. Humanist International, HI). Fermingarfræðsla Siðmenntar miðar að því að efla unglinga og búa þeim dýrmætt veganesti til framtíðar. Á námskeiðinu er lagt upp með því styrkja sjálfsmynd, hvetja til víðsýni og styðja við uppbyggilegt hugarfar.
Fermingin er opin öllum ungmennum – óháð uppruna, kyni, kynhneigð, trú eða lífsskoðunum.

Auglýsing stofnuð2. júlí 2024

Umsóknarfrestur9. júlí 2024

Tungumálahæfni