Þroskaþjálfi, iðjuþjálfi eða sérkennari í Hlíðarskóla
Laus er til umsóknar 100% staða þroskaþjálfa, iðjuþjálfa eða sérkennara. Um er að ræða tímabundið starf og er æskilegt að viðkomandi geti hafið störf 1. ágúst 2024 eða samkvæmt samkomulagi og gildir ráðningin til 31. júlí 2025.
Hlíðarskóli er lítill sérskóli fyrir nemendur með hegðunar- og aðlögunarvanda, félags- og tilfinningaleg vandamál og fjölskyldur þeirra. Staðsetning skólans er einstök en hann er staðsettur í Skjaldarvík, 5 km norðan Akureyrar og hefur markað sér umhverfisstefnu með áherslu á umhverfismennt og útinám þar sem nánasta umhverfi skólans er nýtt eins og kostur er. Kennarar fá frelsi og stuðning til að fara ótroðnar slóðir og hugsa út fyrir kassann þegar kemur að uppsetningu náms og kennsluaðferðum. Í Hlíðarskóla er mikil áhersla lögð á samvinnu starfsfólks og foreldra og vellíðan og framfarir nemenda.
Hér er einstakt tækifæri til að starfa í fámennum skóla þar sem kennt er í litlum hópum til að mæta hverjum og einum nemanda þar sem hann er staddur námslega
Leiðarljós: Jákvæð afstaða til manneskjunnar og tiltrú á getu hennar til breytinga og þróunar þar sem leitast skal við að byggja á styrk hvers og eins.
Viltu vita meira? Kíktu í rafræna heimsókn www.hlidarskoli.is
Leitað er að jákvæðum, sjálfstæðum og lausnamiðuðum einstaklingi með mikinn metnað, sem sýnt hefur árangur í störfum sínum og leggur áherslu á vellíðan og árangur nemenda í samstarfi við aðra starfsmenn og stjórnanda skólans.
- Sinnir kennslu eða þjálfun eftir því sem við á skv. menntun.
- Hefur umsjón með skipulagi vegna nemenda.
- Útbúa kennslu- eða þjálfunarefni, metur framfarir og leitar eftir ráðgjöf þegar þess þarf.
- Er í samstarfi við samstarfsfólk, foreldra, tengslastofnanir og aðra sem við á.
- Háskólapróf og starfsréttindi sem iðjuþjálfi, þroskaþjálfi, kennari eða önnur háskólamenntun sem nýtist í starfi.*
- Viðbótarmenntun á sviði sérkennslufræða hjá kennara.
- Reynsla af vinnu með börnum og unglingum með margvíslegar þarfir.
- Sjálfstæði og frumkvæði í vinnubrögðum.
- Lausnamiðuð hugsun.
- Skipulagsfærni, sveigjanleiki og víðsýni í starfi.
- Góða færni í samskiptum og samvinnu.
- Jákvætt viðmót.
- Reglusemi og samviskusemi.
- Færni í miðlun og framsetningu upplýsinga.
- Góð íslenskukunnátta og hæfni til að setja fram mál í ræðu og riti.
- Frumkvæði til að leita sér nýrrar þekkingar, m.a. hjá öðru fagfólki.
- Reglusemi og samviskusemi.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
ÍslenskaFramúrskarandi
