Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Starfsfólk í nýjan búsetukjarna í Hafnarstræti 16 Akureyri

Velferðarsvið óskar eftir starfsfólki í búsetuþjónustu í nýja búsetukjarnanum Hafnarstræti 16. Um er að ræða störf í vaktavinnu þar sem unnið er á morgun, kvöld, nætur og helgarvöktum. Umsækjendur þurfa að geta hafið störf í september 2024 eða eftir samkomulagi. Um ótímabundin störf er að ræða.

Velferðarsvið sér um að veita fólki fjölbreytta þjónustu sem miðar að því að styðja við sjálfstæða búsetu þess og skapa því aðstæður til að lifa sem eðlilegustu lífi á heimili sínu sem utan þess.

Velferðarsvið Akureyrarbæjar vinnur eftir hugmyndafræði um þjónandi leiðsögn (gentle teaching) og valdeflingu. Starfsmenn þurfa að tileinka sér þessa hugmyndafræði og vinna eftir henni.

Helstu verkefni og ábyrgð

Veita íbúum persónulegan stuðning og aðstoða þá við að njóta menningar-tómstunda – og félagslífs.
Aðstoða við allar athafnir daglegs lífs.
Störfin fela í sér öguð og skipulögð vinnubrögð.
Almenn heimilisstörf.
Samskipti við ýmsa þjónustuaðila.

Menntunar- og hæfniskröfur

Gott vald á mannlegum samskiptum og áhugi á að starfa með fólki.
Sveigjanleiki, samviskusemi, lipurð og jákvætt viðhorf til fólks og vinnu sinnar.
Nýfengin reynsla af starfi með fötluðum. Reynslu skal tilgreina í umsókn.
Þekking á hugmyndafræðinni Þjónandi leiðsögn og Valdeflingu er kostur.
Geta til að vinna eftir skipulagi og undir miklu álagi, ásamt því að geta tekið sjálfstæðar ákvarðanir.
Bílpróf.
Starfið er líkamlega erfitt og krefst því mjög góðs líkamlegs atgervis.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar-Iðju.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Hlynur Már í síma 460-1404 eða á netfanginu hlynurmar@akureyri.is á milli kl. 9 og 15 virka daga.

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 14. júlí 2024

Auglýsing stofnuð2. júlí 2024

Umsóknarfrestur14. júlí 2024

Tungumálahæfni