Gæðastjóri í heilbrigðisþjónustu
Vilt þú hafa áhrif á gæði og öryggi í heilbrigðisþjónustu?
Við leitum að metnaðarfullum og ábyrgum einstaklingi í spennandi starf gæðastjóra í heilbrigðisþjónustu. Ef þú hefur reynslu og þekkingu af gæða- og öryggismálum og brennur fyrir umbótum í gæðastarfi þá er þetta spennandi tækifæri sem vert er að skoða.
Hlutverk
Virk gæðastjórnun er lykilatriði í rekstri heilbrigðisþjónustu. Gæðastjóri fylgir því eftir að starfsemin uppfylli kröfur um faglega og örugga heilbrigðisþjónustu samkvæmt opinberum kröfum og í samræmi við stefnu og gæðamarkmið hjúkrunarheimilanna.
Gæðastjóri heldur utan um rekstur gæðastjórnunarkerfis hjúkrunarheimilanna í samráði við framkvæmdastjóra hjúkrunarsviðs og framkvæmdastjóra lækningasviðs. Gæðastjóri heilbrigðisþjónustu starfar undir forstjóra og starfar í teymi með verkefnastjóra öryggis – og gæðamála.
- Vinna með stjórnendum að uppbyggingu á gæða- og öryggismálum samkvæmt viðeigandi lögum og reglugerðum sem í gildi eru hverju sinni.
- Vinna með stjórnendum við stefnumótun í gæðamálum fyrir starfsemina sem og endurskoðun og þróun gæðamarkmiða í samræmi við þá stefnu
- Hafa eftirlit með því að unnið sé í samræmi við þær kröfur, stefnur og með hliðsjón af þeim gæðavísum sem í gildi eru með skipulögðum innri úttektum ásamt því að bregðast markvisst við og ráðast í viðeigandi úrbætur þegar þörf krefur.
- Leiða og þróa umbótarverkefni og forvarnir í samráði við stjórnendur til að stuðla að bættu öryggi og þjónustu við íbúa út frá niðurstöðum úttekta og greiningu á fyrirliggjandi gögnum.
- Skipuleggja fræðslu og þjálfun fyrir starfsfólk í samráði við mannauðsdeild í tengslum við stefnu fyrirtækisins varðandi gæða- og öryggismál.
- Háskólamenntun er skilyrði. Framhaldsmenntun á sviði verkefnastjórnunar er kostur. Menntun á sviði heilbrigðisvísinda er kostur.
- Þekking og reynsla af vinnu við gæða- og öryggismál í heilbrigðisþjónustu.
- Þekking og reynsla af verkefnastjórnun og ferlavinnu.
- Þekking og reynsla af klínísku starfi innan hjúkrunarheimila eða af sambærilegum stofnunum er kostur.
- Framúrskarandi samskiptahæfni og geta til að vinna í þverfaglegum teymum.
- Gott vald á íslensku og ensku í ræðu og riti.
- Frumkvæði og sjálfstæði í starfi.
- Skemmtileg, fjölbreytt en jafnframt krefjandi verkefni.
- Lifandi vinnustað og skemmtilegt starfsumhverfi.
- Íþróttastyrk, öflugt starfsmannafélag og gott mötuneyti.
Um er að ræða framtíðarstarf, umsóknarfrestur er til og með 28. janúar 2025.
Við hvetjum öll áhugasöm til að sækja um starfið.
Nánari upplýsingar veitir Eybjörg Helga Hauksdóttir forstjóri, eybjorg@eir.is.
Eir, Skjól og Hamrar hjúkrunarheimili hafa hlotið jafnlaunavottun í samræmi við kröfur staðalsins ÍST 85.
Íslenska
Enska
