Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

Vinnustaðurinn

Ert þú öflugur leiðtogi?

SEÐLABANKI ÍSLANDS óskar eftir að ráða öflugan leiðtoga í starf forstöðumanns á sviði háttsemiseftirlits, sem er annað af tveimur eftirlitssviðum bankans.

Um er að ræða nýja deild sem mun annast fjölbreytt verkefni, meðal annars tengdum eftirliti með aðgerðum gegn peningaþvætti, fjármögnun hryðjuverka og alþjóðlegum þvingunaraðgerðum á grundvelli löggjafar á þessu sviði. Deildin mun jafnframt sinna verkefnum tengdum áhættumati á fjármálamarkaði vegna aðgerða gegn peningaþvætti og fjármögnun hryðjuverka, sinna innlendu og erlendu samstarfi og öðrum lögfræðilegum verkefnum.

Leitað er að metnaðarfullum einstaklingi með framúrskarandi samskiptahæfileika og reynslu af stjórnun, ásamt þekkingu og reynslu af fjármálamarkaði.

Helstu verkefni og ábyrgð

Ábyrgð á uppbyggingu deildar, faglegri þróun verkefna og framkvæmd eftirlits.
Dagleg verkstjórn og mótun sterkrar liðsheildar.
Þátttaka í innra starfi Seðlabankans, stefnumótun og áætlanagerð.
Þátttaka í innlendu og erlendu samstarfi með stjórnvöldum og eftirlitsstofnunum.

Menntunar- og hæfniskröfur

Grunn- og meistaranám eða embættispróf í lögfræði.
Sterkir leiðtogahæfileikar.
Reynsla af daglegri verkstjórn og mannaforráðum.
Reynsla og þekking á stjórnsýslu og löggjöf á fjármálamarkaði.
Þekking á verkefnum tengdum aðgerðum gegn peningaþvætti og fjármögnun hryðjuverka er kostur.
Lipurð í mannlegum samskiptum og hæfni til að vinna með öðrum.
Frumkvæði, öguð vinnubrögð, drifkraftur, heiðarleiki og metnaður til að ná árangri í starfi.
Hæfni til að tjá sig og miðla upplýsingum í ræðu og riti á íslensku og ensku.

Nánari upplýsingar um starfið veitir Linda Kolbrún Björgvinsdóttir, framkvæmdastjóri háttsemiseftirlits (linda.kolbrun.bjorgvinsdottir@sedlabanki.is) og Íris Guðrún Ragnarsdóttir framkvæmdastjóri mannauðs- og menningar (iris.g.ragnarsdottir@sedlabanki.is). Umsóknarfrestur er til og með 19. desember nk.

Um er að ræða 100% starfshlutfall með starfsstöð í Reykjavík. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Auglýsing birt6. desember 2024

Umsóknarfrestur19. desember 2024

Tungumálahæfni