Skipulagsstofnun

Verkefnisstjóri á sviði stefnumótunar

Viltu slást í hópinn?

Skipulagsstofnun auglýsir eftir verkefnisstjóra til starfa á svið stefnumótunar hjá stofnuninni.

Um er að ræða fjölbreytt verkefni sem krefjast agaðra vinnubragða, drifkrafts, samskiptahæfileika og þekkingar á skipulagsmálum á Íslandi.

Viðkomandi þarf að geta unnið sjálfstætt og leitt verkefnisteymi til árangurs í fjölbreyttum gerðum verkefna.

Helstu verkefni og ábyrgð

Halda utan um vinnu við gerð og framfylgd strandsvæðisskipulags fyrir hönd svæðisráða og raflínuskipulags fyrir hönd raflínunefnda.
Aðstoð við gerð og framfylgd landsskipulagsstefnu
Halda utan um ýmis verkefni við stefnumótun, leiðbeiningar, útgáfu og kynninga er tengjast hlutverki stofnunarinnar.

Menntunar- og hæfniskröfur

Réttindi til skipulagsgerðar skv. skipulagslögum er æskileg.
Meistarapróf á sviði skipulagsmála er nauðsynlegt.
Þekking eða reynsla sem nýtist í starfi, s.s. reynsla af skipulagsgerð og samráði við skipulagsgerð.
Þekking á opinberri stjórnsýslu á sviði skipulagsmála.
Drifkraftur, frumkvæði og metnaður til að ná árangri.
Færni í mannlegum samskiptum og jákvætt viðmót.
Nákvæmni og ögun í vinnubrögðum.
Gott vald á íslensku í ræðu og riti og góð enskukunnátta er nauðsynleg.

Skipulagsstofnun sinnir stefnumótun, stjórnsýslu og leiðbeiningum um skipulag og framkvæmdir með sjálfbæra nýtingu auðlinda og vandaða byggð að leiðarljósi. Stofnunin vinnur í víðtæku samráði við sveitarfélög, önnur stjórnvöld og hagsmunaaðila.

Skipulagsstofnun starfar á grundvelli skipulagslaga, laga um skipulag haf- og strandsvæða, laga um mat á umhverfisáhrifum og laga um umhverfismat áætlana og heyrir undir umhverfis- og auðlindaráðuneytið.

Hjá stofnuninni ríkir góður starfsandi og í boði er góð starfsaðstaða. Nánari upplýsingar má finna á www.skipulag.is

Umsóknarfrestur er til og með 2. janúar 2025

Laun eru samkvæmt kjarasamningi ríkisins og hlutaðeigandi stéttarfélags.

Við hvetjum áhugasama til að sækja um, óháð kyni og uppruna. Umsókn þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Æskilegt er að umsækjendur geti hafið störf sem fyrst. Gert er ráð fyrir að gagnkvæmur reynslutími sé sex mánuðir frá ráðningu.

Umsjón með ráðningarferlinu hafa Auður Bjarnadóttir (audur@vinnvinn.is) og Margrét Stefánsdóttir (margret@vinnvinn.is) hjá Vinnvinn.