Skipulagsstofnun

Verkefnisstjóri á sviði miðlunar

Viltu slást í hópinn?

Skipulagsstofnun auglýsir eftir verkefnisstjóra til starfa á svið miðlunar, útgáfu og viðburða hjá stofnuninni.

Um er að ræða fjölbreytt verkefni sem krefjast agaðra vinnubragða, drifkrafts, samskiptahæfileika og þekkingar á skipulagsmálum á Íslandi.

Viðkomandi þarf að geta unnið sjálfstætt og leitt verkefnisteymi til árangurs í fjölbreyttum gerðum verkefna.

Helstu verkefni og ábyrgð

Annast þróun á sviði miðlunar og umsjón með vefsíðum Skipulagsstofnunar og samfélagsmiðlum ásamt fréttabréfi.
Undirbúningur og framkvæmd viðburða í samstarfi við viðkomandi fagsvið.
Undirbúningur og útgáfu leiðbeininga, kynningarefnis og annars efnis á sviði skipulagsmála
Miðlun efnis og samskipti við hagsmunaaðila og fjölmiðla í samstarfi við viðkomandi stjórnendur
Ýmis verkefni við stefnumótun, leiðbeiningar og miðlun um skipulagsgerð og umhverfismat.

Menntunar- og hæfniskröfur

Háskólamenntun á sviði skipulagsmála.
Þekking eða reynsla sem nýtist í starfi.
Þekking á opinberri stjórnsýslu á sviði skipulagsmála.
Drifkraftur, frumkvæði og metnaður til að ná árangri.
Færni í mannlegum samskiptum og jákvætt viðmót.
Nákvæmni og ögun í vinnubrögðum.
Gott vald á íslensku í ræðu og riti og góð enskukunnátta er nauðsynleg.

Skipulagsstofnun sinnir stefnumótun, stjórnsýslu og leiðbeiningum um skipulag og framkvæmdir með sjálfbæra nýtingu auðlinda og vandaða byggð að leiðarljósi. Stofnunin vinnur í víðtæku samráði við sveitarfélög, önnur stjórnvöld og hagsmunaaðila.

Skipulagsstofnun starfar á grundvelli skipulagslaga, laga um skipulag haf- og strandsvæða, laga um mat á umhverfisáhrifum og laga um umhverfismat áætlana og heyrir undir umhverfis- og auðlindaráðuneytið.

Hjá stofnuninni ríkir góður starfsandi og í boði er góð starfsaðstaða. Nánari upplýsingar má finna á www.skipulag.is

Umsóknarfrestur er til og með 2. janúar 2025

Laun eru samkvæmt kjarasamningi ríkisins og hlutaðeigandi stéttarfélags.

Við hvetjum áhugasama til að sækja um, óháð kyni og uppruna. Umsókn þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Æskilegt er að umsækjendur geti hafið störf sem fyrst. Gert er ráð fyrir að gagnkvæmur reynslutími sé sex mánuðir frá ráðningu.

Umsjón með ráðningarferlinu hafa Auður Bjarnadóttir (audur@vinnvinn.is) og Margrét Stefánsdóttir (margret@vinnvinn.is) hjá Vinnvinn.