Samband sveitarfélaga á Suðurnesjum er samstarfsvettvangur sveitarfélaganna Reykjanesbæjar, Suðurnesjabæjar, Grindavíkur og Sveitarfélagsins Voga. Sambandið sinnir hagsmunagæslu og þjónustu fyrir svæðið allt og starfar í samvinnu við önnur landshlutasamtök, Samband íslenskra sveitarfélaga og aðra hagsmunaaðila. Markmið S.S.S. eru m.a.: • að efla samvinnu sveitarfélaga og auka þekkingu sveitarstjórnarmanna á verkefnum sveitarstjórna • að vinna að hverjum þeim verkefnum sem aðildarsveitarfélög eða löggjafinn kunna að fela þeim • að styrkja stöðu aðildarsveitarfélaganna á landsvísu • að stuðla að eflingu atvinnulífs á Suðurnesjum Málaflokkar eru m.a. byggðaþróun, atvinnuþróunn, nýsköpun, ferðaþjónusta og umhverfismál. S.S.S. er regnhlíf yfir önnur samstarfsverkefni sveitarfélaganna á Suðurnesjum. Dæmi um það eru Svæðisskipulag Suðurnesja, Markaðsstofa Reykjaness og Reykjanes Unesco Geopark. Skrifstofa S.S.S. er staðsett að Skógarbraut 945, 262 Reykjanesbæ. Hjá S.S.S. starfar samheldinn starfsmannahópur þar sem lögð er áhersla á að vinnustaðurinn sé fjölskylduvænn.