Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðarmaður á vélaverkstæði - Tæknideild Landspítala

Tæknideild Landspítala leitar að ábyrgum og áhugasömum einstaklingi til að gegna fjölbreyttu starfi aðstoðarmanns á vélaverkstæði spítalans. Starfið felur í sér þátttöku í viðhaldi og rekstri margvíslegra búnaðar og kerfa innan umfangsmikilla starfsemi Landspítala.

Á vélaverkstæðinu starfa sjö starfsmenn sem vinna náið saman að fjölbreyttum verkefnum tengdum viðhaldi, uppsetningu og endurbótum á vélbúnaði. Um er að ræða spennandi starf í sérhæfðu umhverfi þar sem mikil áhersla er lögð á öryggi, nákvæmni og samstarf.

Landspítalinn er um 170.000 fermetrar og inniheldur mikla tæknilega innviði þar sem vélbúnaður gegnir lykilhlutverki í daglegri starfsemi. Um er að ræða 100% starf og er það laust nú þegar eða eftir samkomulagi.

Menntunar- og hæfniskröfur

Þekking eða reynsla af sambærilegu starfi er kostur

Góð almenn tölvukunnátta

Góð kunnátta í íslensku, bæði í töluðu og rituðu máli

Góð færni í samskiptum og skipulagi

Vandvirkni og öryggisvitund í vinnubrögðum

Gilt ökuskírteini er skilyrði

Helstu verkefni og ábyrgð

Aðstoð við vélfræðinga/vélvirkja í daglegum verkefnum

Aðstoð við fyrirbyggjandi viðhald á búnaði samkvæmt viðhaldskerfi spítalans

Aðstoð við skráningu og eftirfylgni með bilanatilkynningum og viðhaldsverkefnum

Tiltekt og skipulag á efnislager vélaverkstæðis

Flutningur á búnaði, tækjum og efni milli bygginga/starfsstöðva spítalans

Önnur tilfallandi verkefni tengd rekstri og starfsemi vélaverkstæðisins

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Tungumálakunnátta: Íslenska 4/5, enska 3/5

Starfsmerkingar: Iðnaðarstörf, verkstæði

Nánari upplýsingar

Kristján H Theodórsson, [email protected],

Bragi Thoroddsen, [email protected],

Vélaverkstæði

Hringbraut

101 Reykjavík

Auglýsing birt24. maí 2025

Umsóknarfrestur10. júní 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (47)

Aðstoðarmaður á pípulagningaverkstæði - Tæknideild Landspítala