Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur við ónæmisfræðideild

Ónæmisfræðideild Landspítala óskar eftir að ráða hjúkrunarfræðing í allt að 100% starfshlutfall frá 1. september 2025. Um er að ræða áhugavert og fjölbreytt starf í dagvinnu, frábært samstarfsfólk, góðan starfsanda og mikil tækifæri til að þróa faglega sérþekkingu.

Í starfinu felst m.a. áframhaldandi þróun á nýrri þjónustu hjúkrunarfræðinga fyrir einstaklinga með skertar ónæmisvarnir (60%) og einstaklinga með síþrota, (umhverfisveikindi, langvinnar afleiðingar sýkinga) (40%). Við tökum vel á móti nýju samstarfsfólki og veitum góða einstaklingsmiðaða aðlögun.

Velkomið að kíkja í heimsókn og fá nánari upplýsingar um starfsemina.

Menntunar- og hæfniskröfur

Íslenskt hjúkrunarleyfi

Jákvætt viðhorf, frumkvæði og góð samskiptahæfni

Virk þátttaka í þverfaglegu samstarfi og framþróun í starfi deildarinnar

Virk þátttaka í fjölbreyttu fræðslustarfi

Sérverkefni sem tengjast starfi deildarinnar

Góð íslenskukunnátta

Helstu verkefni og ábyrgð

Umsjón, eftirlit og ráðgjöf við einstaklinga með meðfædda ónæmisgalla í samstarfi við meðhöndlandi teymi, þ.m.t. lækna og hjúkrunarfræðinga

Áframhaldandi þróun hjúkrunarstýrðrar heimameðferðar, göngudeildarþjónustu, o.fl. fyrir einstaklinga með ónæmisgalla

Þátttaka í gæða-, kennslu- og rannsóknarstarfi ónæmisfræðideildar sem snýr að meðfæddum ónæmisgöllum, m.a. undirbúningur fyrir skráningu einstaklinga með meðfædda ónæmisgalla í sam-evrópskan gagnagrunn

Hluti af starfinu er samráð og samstarf við aðrar deildir, dag- og göngudeildir sem sinna einstaklingum (fullorðnum og börnum) með meðfædda ónæmisgalla, bæði innan og utan Landspítala. Þátttaka í samráðsfundum meðferðaraðila þessara einstaklinga

Leiðandi þátttaka í að stofna móttöku og þjónustu fyrir fólk með umhverfisveikindi s.s. afleiðingar sýkinga, sílikon íhluta og myglu

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Tungumálahæfni: íslenska 4/5

Nánari upplýsingar

Hrefna Jónsdóttir, [email protected], 824-2397

Sigurveig Þ Sigurðardóttir, [email protected], 543-6040

Ónæmisfræðideild

Hringbraut

101 Reykjavík

Auglýsing birt6. maí 2025

Umsóknarfrestur27. maí 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)