Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sjúkraliði á göngudeild 10E Hringbraut

Við leitum að sjúkraliða sem hefur áhuga á fjölbreyttu og krefjandi starfi á göngudeild 10E Landspítala við Hringbraut.

Á deildinni er veitt víðtæk þjónusta á ólíkum sérsviðum í þverfaglegu starfsumhverfi. Starfið er fjölbreytt og gefur góð tækifæri til starfsþróunar og aukinnar þekkingar. Á deildinni er markvisst unnið að umbótum og framþróun og þar starfar samhentur hópur þar sem samvinna, metnaður og góður starfsandi eru í fyrirrúmi.

Starfið heyrir undir tvö teymi, kviðarholsskurðteymi og meltingarteymi. Starfshlutfall er 80-100% og er ráðið í starfið sem fyrst eða eftir nánara samkomulagi.

Kviðarholsskurðteymið sinnir sjúklingum fyrir og eftir skurðaðgerðir á kviðarholi, sáraskiptingum, þjónustu við stómaþega og innskriftum fyrir aðgerðir. Einnig eru framkvæmdar minniháttar aðgerðir í staðdeyfingu.

Meltingarteymið sinnir sjúklingum með IBD, næringarslöngur og næringarhnappa, skorpulifur og aðra meltingarfærasjúkdóma. Þá fer hluti starfseminnar fram á innrennslismóttöku og við rannsóknir á meltingarfærum.

Vinnuvika starfsfólks í fullri dagvinnu er 36 stundir sem styður við betra jafnvægi milli vinnu og einkalífs.

Menntunar- og hæfniskröfur

Íslenskt starfsleyfi sjúkraliða

Jákvætt viðhorf, frumkvæði og samskiptahæfni

Sjálfstæði í vinnubrögðum

Góð íslenskukunnátta

Helstu verkefni og ábyrgð

Mæla lífsmörk

Aðstoða við inngrip og skoðanir

Aðstoða við og framkvæma rannsóknir

Umsjón með stofum og lager

Fjarvöktun sjúklinga í meðferð

Þátttaka í þróun og umbótum

Stuðla að góðum starfsanda

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sjúkraliði, hjúkrun, teymisvinna

Tungumálahæfni: íslenska 3/5

Staðsetning: Hringbraut, 101 Reykjavík

Nánari upplýsingar

Ingibjörg Magnúsdóttir

Tölvupóstur: [email protected]

Sími: 620-2655

Auglýsing birt18. september 2026

Umsóknarfrestur30. september 2026

Tungumálahæfni

Íslenska

Nauðsyn

Meðalhæfni

Starfstegund

Starfsgreinar

Starfsmerkingar

Fleiri störf (50)