Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir í lungnalækningum

Laust er til umsóknar starf sérfræðilæknis í lungnalækningum. Starfið veitist frá 1. nóvember 2026 eða eftir samkomulagi. Um fullt starf er að ræða en lægra starfshlutfall getur komið til greina samkvæmt nánara samkomulagi.

Við lungnalækningar starfar öflugt og metnaðarfullt teymi lækna sem sinnir fjölbreyttum verkefnum í góðu samstarfi við aðrar fagstéttir.

Leitað er eftir jákvæðum og metnaðarfullum sérfræðilækni til að annast sérhæfða meðferð og eftirfylgd sjúklinga.

Menntunar- og hæfniskröfur

Íslenskt sérfræðileyfi í lungnalækningum

Breið þekking og reynsla í almennum lyflækningum og lungnalækningum

Hæfni og geta til að starfa í teymi heilbrigðisstarfsmanna

Jákvæðni, sveigjanleiki og lipurð í samskiptum

Reynsla af kennslu og rannsóknum

Helstu verkefni og ábyrgð

Þjónusta við sjúklinga á legudeildum og gjörgæslu

Göngu- og dagdeildarþjónusta: Um er að ræða mjög fjölbreytt viðfangsefni. Meðal verkefna eru millivefssjúkdómar, erfiður astmi, greining lungnakrabbameina, lokastigs teppusjúkdómar, bráð- og langvinn öndunarbilun og meðferð með ytri öndunarvélum.

Inngrip: Berkjuspeglanir, brjóstholsástungur og áreynslupróf

Þátttaka í vaktþjónustu lungnalækna

Þátttaka í bráðaþjónustu á vegum almennra lyflækninga í samráði við yfirlækni lungnalækninga, þ.m.t. vaktþjónustu

Þátttaka í kennslu læknanema, sérnámsgrunnlækna og sérnámslækna

Þátttaka í rannsóknarstarfi

Þátttaka í öðrum verkefnum í samráði við yfirlækni sérgreinarinnar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sérfræðilæknir, lungnalækningar, almennar lyflækningar, teymisvinna

Tungumálahæfni: íslenska 5/5, enska 4/5

Staðsetning: Fossvogur, 108 Reykjavík

Nánari upplýsingar

Sif Hansdóttir

Yfirlæknir lugnalækninga

Tölvupóstur: [email protected]

Auglýsing birt22. september 2026

Umsóknarfrestur23. október 2026

Tungumálahæfni