Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Yfirlæknir háþrýsti- og köfunarlækningadeildar Landspítala

Laust er til umsóknar starf yfirlæknis háþrýsti- og köfunarlækningadeildar á bráða-, lyflækninga- og endurhæfingarþjónustu Landspítala. Við leitum að lækni með framúrskarandi samskiptafærni og hæfni til að vinna í þverfaglegu teymi. Starfið felur í sér ábyrgð á meðferð sjúklinga í háþrýstiklefa (hyperbaric oxygen therapy), stjórnun og leiðtogahlutverk við þróun og skipulag þjónustunnar í samræmi við alþjóðlega staðla.

Upphaf starfa er 1. janúar 2026 eða eftir nánara samkomulagi.

Helstu verkefni og ábyrgð

Umsjón með daglegri klínískri starfsemi deildarinnar, þar á meðal greining og meðferð samkvæmt alþjóðlegum klínískum leiðbeiningum (EUBS/UHMS/ECHM ofl.)
Auk reglubundinnar meðferðar sjúklinga, felst í þjónustunni neyðarþjónusta í samræmi við bestu klínísku þekkingu og ábendingar. Þetta kallar á bakvaktir alla daga ársins
Tryggja öryggi, viðhald og gæði í rekstri háþrýstiklefans, innleiða viðbragðsáætlanir og gæðastjórnun í takt við viðurkennda staðla (NFPA 99, ASME-PVHO-1, ECHM)
Matsgerðir og skoðanir vegna útgáfu köfunarskírteina, almenn ráðgjöf, þjálfun og fræðsla fyrir heilbrigðisstarfsfólk og ytri aðila
Náin samvinna við yfirlækni bráðalækninga, forstöðulækni, framkvæmdastjóra, aðrar deildir spítalans sem og aðrar stofnanir sem koma að neyðarþjónustu og viðbragðsáætlunum á Íslandi
Þátttaka í vísindastarfi, gæðaverkefnum og nýsköpun

Menntunar- og hæfniskröfur

Gilt íslenskt lækningaleyfi
Hæfnisvottun í hyperbaric medicine og köfunarlækningum (stig 2) skv evrópskum eða bandarískum stöðlum sem tryggja hæfni til reksturs og umsjónar þjónustunnar. Hér er vísað til European Committee for Hyperbaric Medicine (ECHM), The Undersea and Hyperbaric Medical Society (UHMS) og European Underwater and Baromedical Society (EUBS).
Reynsla af rekstri og skipulagningu háþrýstisúrefnismeðferðar, þar með töldum og öryggisferlum
Þekking á alþjóðlegum öryggisstöðlum (NFPA 99, ASME-PVHO-1) og góðum klínískum starfsháttum ECHM sbr grein Kot og félaga í Diving and Hyperbaric Medicine 2023;53(4)(Suppl):1-17. (PMID: 38092370)
Gilt köfunarskírteini
Góð samskiptahæfni, leiðtogafærni og hæfni til að taka ákvarðanir undir álagi
Reynsla af kennslu og vísindastörfum er æskileg

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérfræðilæknir, yfirlæknir

Tungumálahæfni: íslenska 5/5, enska 3/5

Staðsetning: Fossvogur, 108 Reykjavík

Nánari upplýsingar

Rafn Benediktsson

Tölvupóstur: [email protected]

Sími: 824-5929

Auglýsing birt14. nóvember 2025

Umsóknarfrestur27. nóvember 2025

Tungumálahæfni

Íslenska

Nauðsyn

Framúrskarandi

Enska

Nauðsyn

Meðalhæfni

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (50)