Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunardeildarstjóri á göngudeild lyflækninga Fossvogi

Laus er til umsóknar staða hjúkrunardeildarstjóra á göngudeild lyflækninga Fossvogi. Leitað er eftir kraftmiklum hjúkrunarfræðingi með reynslu af stjórnun og hæfni til að leiða árangursríka þjónustu við sjúklinga, efla notendamiðaða nálgun, umbótastarf, öryggismál og uppbyggingu mannauðs í nánu samstarfi við aðra stjórnendur og starfsfólk.

Við sækjumst eftir einstaklingi með hæfni til að leiða þverfaglega teymisvinnu, er hvetjandi og stuðlar að jákvæðum starfsanda. Hjúkrunardeildarstjóri er yfirmaður þjónustu göngudeildarinnar, stýrir daglegum rekstri og er leiðandi um fagleg málefni deildarinnar. Hjúkrunardeildarstjóri starfar í nánu samstarfi við framkvæmdastjóra, forstöðuhjúkrunarfræðing, yfirlækni deildar og aðra stjórnendur þeirra fagstétta sem starfa á göngudeildinni.

Deildin skiptist upp í mismunandi teymi sem sinna sjúklingahópum með ýmis konar sjúkdóma, svo sem lungnasjúkóma, smitsjúkdóma, taugasjúkdóma og ofnæmi. Einnig tilheyrir heimaöndunarteymi, vettvangsteymi og transteymi deildinni.

Helstu verkefni og ábyrgð

Fagleg ábyrgð á uppbyggingu, skipulagi og þróun starfsemi, flæði og gæðum hjúkrunarþjónustu; setur markmið um umbætur og öryggi og tryggir eftirfylgni; stuðlar að þekkingarþróun og kennslu og hvetur til vísindastarfa
Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsfólks á deildinni
Fjárhagsleg ábyrgð, þ.e. ábyrgð á rekstrarkostnaði deildarinnar
Hefur forystu um áframhaldandi uppbyggingu, skipulag og þróun deildarinnar í samráði við yfirlækni, forstöðuhjúkrunarfræðing og framkvæmdastjóra
Þátttaka í umbóta, vísinda- og rannsóknarstarfi
Hefur forystu um áframhaldandi uppbyggingu, skipulag og þróun deildarinnar í samráði við yfirlækna og forstöðufólk bráða-, lyflækninga- og endurhæfingaþjónustu
Starfar náið með deildarstjórum hjúkrunar innan sviðsins og er virkur þátttakandi í samstarfi þeirra á milli
Framfylgir stefnu og áherslum framkvæmdastjórnar Landspítala

Menntunar- og hæfniskröfur

Íslenskt hjúkrunarleyfi
Starfsreynsla sem hjúkrunarfræðingur
Framhaldsmenntun í hjúkrun eða stjórnun á háskólastigi er kostur
Farsæl reynsla af stjórnun og rekstri er kostur
Reynsla og þekking á starfsemi göngudeilda er kostur
Leiðtogahæfni, áhugi, vilji og reynsla af því að leiða breytingar og umbætur æskileg
Mjög góð hæfni í samskiptum, jákvætt viðmót og lausnamiðuð nálgun
Frumkvæði og metnaður til að ná árangri
Sýn og hæfni til að leiða faglega þróun hjúkrunar og gæða- og öryggismál
Góð íslensku- og enskukunnátta

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Í umsóknarformið skal skrá inn upplýsingar um:

Nauðsynleg fylgiskjöl:

Fylgiskjöl skulu vera á pdf formi.

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, deildarstjóri, stjórnunarstarfTungumálahæfni: íslenska 5/5, enska 4/5

Staðsetning: Fossvogur, 108 Reykjavík

Nánari upplýsingar

Gerður Beta Jóhannsdóttir

Tölvupóstur: [email protected]

Sími: 825-9546

Auglýsing birt10. nóvember 2025

Umsóknarfrestur20. nóvember 2025

Tungumálahæfni