Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Yfirlæknir myndgreiningardeildar

Landspítali auglýsir eftir metnaðarfullum og framfarasinnuðum yfirlækni sem er reiðubúinn að leiða og efla starfsemi einingarinnar auk þess tryggja árangursríkt mennta- og vísindastarf. Starfið er unnið í nánu samstarfi við deildarstjóra myndgreiningarþjónustu, forstöðumann og aðra stjórnendur á myndgreiningarþjónustu auk læknisfræðilegan eðlisfræðings og skv. gildandi skipuriti spítalans. Viðkomandi þarf að búa yfir afburða samskiptahæfni og hafa hæfni til að takast á við breytingar. Starfshlutfall er 100% og er starfið laust frá 1. febrúar 2025 eða skv. nánara samkomulagi.

Innan myndgreiningarþjónustunnar starfa um 140 manns sem vinna í samhentu teymi reyndra starfsmanna í nánu samstarfi við aðrar deildir spítalans.

Helstu verkefni og ábyrgð

Ber faglega, fjárhagslega og starfsmannaábyrgð á myndgreiningardeildar Landspítala í samráði við deildarstjóra og forstöðumann
Tryggir að öryggis-, gæða- og umbótastarfi sé framfylgt
Tryggir árangursríkt mennta- og vísindastarf innan starfseiningar
Þróar þjónustu innan ábyrgðarsviðs með áherslu á samhæfingu við aðra starfsemi kjarnans
Ber læknisfræðilega ábyrgð á starfsemi einingar í samræmi við stefnu Landspítala
Ber ábyrgð á stefnumótun og áætlanagerð sérgreinar með það að markmiði að hún sé hagkvæm og innan rekstrarviðmiða hvers árs
Framfylgir stefnumótun og áherslum framkvæmdastjórnar

Menntunar- og hæfniskröfur

Íslenskt sérfræðileyfi í myndgreiningu
Veruleg starfsreynsla sem sérfræðingur í myndgreiningu
Stjórnunarreynsla á myndgreiningardeildum sjúkrahúsa er kostur
Þekking og reynsla af öryggis-, gæða- og umbótastarfi
Reynsla af vísinda-, kennslu- og þróunarstarfi er kostur
Færni í stjórnunarhlutverki. þ.e. fagleg ábyrgð, starfsmannaábyrgð og fjárhagsleg ábyrgð
Jákvætt lífsviðhorf, lausnarmiðuð nálgun og framúrskarandi samskiptahæfni
Frumkvæði, drifkraftur og stefnumarkandi hugsun

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum.
Afrit af lækninga- og sérfræðileyfum sem og vottuð afrit af erlendum leyfum (ef við á).
Staðfesting á læknis-, stjórnunar- og kennslustörfum.
Ferilskrá þar sem tilgreind er reynsla af læknis-, kennslu-, vísinda- og stjórnunarstörfum.
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.
Kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni.

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, yfirlæknir, sérfræðilæknir

Tungumálahæfni: íslenska 4/5,

Starfshlutfall er 100%

Umsóknarfrestur er til og með 17.11.2025

Nánari upplýsingar veitir

Maríanna Garðarsdóttir

Tölvupóstur: [email protected]

Auglýsing birt22. október 2025

Umsóknarfrestur17. nóvember 2025

Tungumálahæfni

Íslenska

Nauðsyn

Mjög góð

Staðsetning

Hringbraut Landspítali , 101 Reykjavík

Starfstegund

Starfsgreinar

Starfsmerkingar

Fleiri störf (50)

Hjúkrunarfræðingur - Spennandi starf í geðrofs- og samfélagsgeðteymi