Félagsvísindasvið Háskóla Íslands

Verkefnisstjóri í Nemenda- og kennsluþjónustu

Laust er til umsóknar fullt starf verkefnisstjóra í Nemenda- og kennsluþjónustu Félagsvísindasviðs Háskóla Íslands. Starfssvið verkefnisstjórans felst í samskiptum og þjónustu við nemendur og kennara Félagsvísindasviðs og teymisvinnu innan Nemenda- og kennsluþjónustu og sviðs.

Ef þú ert skipulagður og þjónustumiðaður einstaklingur sem hefur gaman af samskiptum við fólk úr ólíku umhverfi þá gæti starf verkefnisstjóra verið fyrir þig.

Helstu verkefni og ábyrgð

Þjónusta við nemendur og kennara sviðsins
Tengiliður milli Nemenda- og kennsluþjónustu og deilda Félagsvísindasviðs
Þjónusta við deildir vegna brautskráningar, móttöku lokaritgerða, samskipti við prófdómara, yfirferð námsferla, stundatöflugerðar og annarra verkefna
Viðvera á Þjónustutorgi sviðs
Þverfagleg teymisvinna innan sviðsins við brautskráningu, móttöku lokaritgerða og önnur tilfallandi verkefni

Menntunar- og hæfniskröfur

Háskólapróf sem nýtist í starfi
Góð tölvufærni ásamt hæfni til þess að tileinka sér nýja tækni
Gott vald á ensku og íslensku, bæði í rituðu og töluðu máli.
Rík þjónustulund og hæfni í mannlegum samskiptum
Frumkvæði , sjálfstæð og nákvæm vinnubrögð

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að umsækjandi hefji störf sem fyrst.

Með umsókn skal fylgja ferilskrá og kynningarbréf þar sem færð eru rök fyrir að umsækjandi uppfylli hæfniskröfur starfsins.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Á Félagsvísindasviði starfa á þriðja hundrað manns við kennslu og rannsóknir. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum.

Starfshlutfall er 100%

Umsóknarfrestur er til og með 07.10.2024

Auglýsing birt24. september 2024

Umsóknarfrestur7. október 2024

Tungumálahæfni