Austurbrú ses.

Austurbrú vinnur að hagsmunamálum íbúa á Austurlandi og veitir samræmda og þverfaglega þjónustu tengda atvinnulífi, menntun og menningu. Hjá Austurbrú er unnið að rannsóknum og greiningum sem tengjast byggðamálum og Austurlandi, auk ýmissa greininga fyrir stofnanir og einkaaðila. Austurbrú hýsir Áfangastaðastofu Austurlands og ber ábyrgð á markaðssetningu landshlutans í samstarfi við samstarfsaðila og stendur fyrir ýmsum viðburðum sem efla Austurland. Þar á meðal er móttaka blaðamanna, skipulag ráðstefna eins og Mannamóts, ferðaleiðir á Austurlandi og umsjón Austurlands-appsins. Austurbrú sinnir einnig byggðaþróun og vinnur verkefni tengd byggðaáætlun, veitir ráðgjöf til atvinnulífsins varðandi nýsköpun og framþróun auk þess að styðja við hagsmunamál landshlutans s.s. húsnæðisþróun og mannfjöldaspár auk vinnumarkaðsgreininga. Austurbrú er leiðandi afl varðandi menntamál á Austurlandi og sinnir símenntun; þar með talin símenntun fagstétta, fræðsluáætlanir fyrirtækja, framhaldsfræðsla og námsleiðum Fræðslumiðstöðvar atvinnulífsins og háskólamálum hvað varðar próftöku og þróun námsframboðs. Ennfremur eru málefni innflytjenda viðfangsefni Austurbrúar sem er leiðandi í kennslu íslensku á Austurlandi. Að auki hefur Austurbrú daglega umsýslu Sambands sveitarfélaga á Austurlandi á sínu starfssviði og öll málefni sem tengjast landshlutasamtökunum og samskiptum við stjórnvöld.

Vinnustaðurinn

Ertu skapandi Excel-týpan?

Ert þú skapandi, sjálfstæður og lausnamiðaður verkefnastjóri? Hefur þú þekkingu á að draga saman gögn og miðla þekkingu? Ertu öflugur í teymisvinnu og átt auðvelt með að aðlagast nýjum verkefnum?

Austurbrú auglýsir stöðu verkefnastjóra á sviði rannsókna og greiningarmála. Um er að ræða verkefni sem krefst haldbærrar reynslu og þekkingar af gagnavinnslu og leikni í að setja fram niðurstöður á skapandi og lifandi hátt. Í starfinu felst að tengja saman upplýsingar, miðla niðurstöðum og þekkingu og setja í samhengi. Verkefnið felur í sér töluverð samskipti við einstaklinga, fyrirtæki og aðra hagaðila. Við leitum því að verkefnastjóra sem er fjölhæfur; nákvæmur og forvitinn varðandi sögu þeirra gagna sem unnið er með og býr yfir skapandi hæfileikum og samskiptafærni.

Megin viðfangsefnið er að vinna með gögn úr Sjálfbærniverkefni Alcoa og Landsvirkjunar en einnig tilfallandi rannsóknar og greiningarverkefni teymisins s.s. Horizon2020-verkefni og greiningarþjónustu fyrir samstarfsaðila.

Ef þú ert flinkur í Excel og lýsandi tölfræðivinnslu, skapandi, lausnamiðaður og skipulagður og átt auðvelt með að skapa tengsl og eiga í samskiptum við ólíka aðila viljum við gjarnan fá umsókn frá þér. Við bjóðum uppá áhugaverð verkefni sem fela í sér fjölbreytt viðfangsefni og tækifæri til þróunar.

Helstu verkefni og ábyrgð

Uppgjör, úrvinnsla og miðlun gagna Sjálfbærniverkefnisins.
Þátttaka í teymisvinnu rannsókna og greiningarmála.
Öflun nýrra verkefna og gerð umsókna.
Samskipti við hagaðila, viðskiptavini og stofnanir.
Miðlun upplýsinga og ráðgjöf.
Þróun verkefna og þjónustu.
Önnur verkefni sem viðkomandi eru falið.

Menntunar- og hæfniskröfur

Háskólamenntun á framhaldsstigi sem nýtist í starfi (s.s. á sviði tölfræði og aðferða, miðlunar eða upplýsingatækni).
Reynsla af miðlun þekkingar og upplýsinga.
Þekking og reynsla af verkefnastjórnun.
Mikil hæfni í samskiptum og reynsla af teymisvinnu æskileg.
Sjálfstæð, nákvæm og öguð vinnubrögð.
Þekking á samfélagi og atvinnulífi svæðisins er kostur.
Mjög góð færni í íslensku og ensku, bæði rituð og töluð.
Mjög góð tölvu- og tæknifærni (t.d. Excel, samfélagsmiðlar, vefsíður)
Framsýni, jákvæðni og sveigjanleiki.

Fríðindi í starfi

Sveigjanlegur vinnutími
Heimavinnudagar
Heilsustyrkur

Umsókn skal fylgja:

Ferilskrá.
Kynningarbréf þar sem fram koma forsendur umsóknar og hvernig umsækjandi uppfyllir starfskröfur.

Umsóknir skal senda til Tinnu Halldórsdóttur yfirverkefnastjóra innri mála tinna@austurbru.is sem einnig veitir frekari upplýsingar.

Umsóknarfrestur: Til og með 15. október 2024

Óskað er eftir að viðkomandi geti hafið störf sem fyrst í að lágmarki 80% starfshlutfalli. Búseta á Austurlandi er skilyrði en viðkomandi getur valið starfsstöð á hverri starfsstöð Austurbrúar sem er. Laun eru greidd samkvæmt kjarasamningi Sambands íslenskra sveitarfélaga og Visku. Austurbrú er þverfaglegur og spennandi vinnustaður sem er leiðandi í stoðþjónustu á Austurlandi hvað varðar atvinnulíf, menntun, byggðaþróun og menningu. Austurbrú hefur hlotið jafnlaunavottun og er EQM vottuð stofnun á sviði fræðslumála og á lista Creditinfo um framúrskarandi fyrirtæki undanfarin ár.

Auglýsing birt27. september 2024

Umsóknarfrestur15. október 2024

Tungumálahæfni