Samhjálp

Samhjálp var stofnað árið 1973 og hefur því starfað í rúma hálfa öld. Samhjálp rekur sjö starfsstöðvar en um 30 einstaklingar starfa hjá félaginu ásamt nokkrum fjölda sjálfboðaliða. Stærsta starfsstöðin og jafnframt sú elsta, er meðferðarheimilið Hlaðgerðarkot í Mosfellsdal en þar er pláss fyrir um þrjátíu einstaklinga í meðferð hverju sinni. Samhjálp rekur tvö áfanga- og stuðningsheimili fyrir átta karlmenn hvort, annað í Reykjavík og hitt í Kópavogi. Kaffistofa Samhjálpar sem er opin alla daga ársins og er í Borgartúni í Reykjavík. Skrifstofa Samhjálpar, sem er þjónustumiðstöð félagsins og miðstöð fjáröflunar, er í Skútuvogi 1g.

Vinnustaðurinn

Vilt þú hjálpa okkur að hjálpa öðrum?

Kaffistofa Samhjálpar óskar eftir að ráða 4 ábyrgðarfullar, þolinmóðar og umburðarlyndar manneskjur í teymið okkar vegna lengri opnunartíma í vetur. Ráðningartímabilið er frá nóvember til og með mars (5 mánuðir).

Ef þú hefur náð 25 ára aldri og hefur framangreinda kosti ásamt því að vera jákvæð og lífsglöð manneskja, talar íslensku og ensku þá gætir þú verið sá/sú sem við leitum að.

2 starfsmenn vinna saman frá kl. 14:30-18:30 á 2-2-3 vöktum, alls 37% starf og þurfa viðkomandi að geta hafið störf 1. nóvember. Starfið felur í sér að vera til staðar fyrir gesti bjóða upp á kaffi og spjall og svo eru þrif og frágangur í lok dags.

Hjá okkur starfar öflugt teymi starfsfólks og sjálfboðaliða sem vinnur vel saman.

Um er að ræða tímabundið hlutastarf.

Gildin okkar eru:

Von

Virðing & fordómaleysi

Kærleikur

Bati

Kaffistofa Samhjálpar er eldhús sem er opið alla daga fyrir þá sem náð hafa 18 ára aldri og þangað sækir meðal annars fólk sem neytir áfengis- og fíkniefna auk fólks sem glímir við andleg og líkamleg veikindi af ýmsum toga og er heimilislaust.

Auglýsing birt18. september 2024

Umsóknarfrestur30. september 2024

Tungumálahæfni