Austurbrú ses.

Austurbrú vinnur að hagsmunamálum íbúa á Austurlandi og veitir samræmda og þverfaglega þjónustu tengda atvinnulífi, menntun og menningu. Hjá Austurbrú er unnið að rannsóknum og greiningum sem tengjast byggðamálum og Austurlandi, auk ýmissa greininga fyrir stofnanir og einkaaðila. Austurbrú hýsir Áfangastaðastofu Austurlands og ber ábyrgð á markaðssetningu landshlutans í samstarfi við samstarfsaðila og stendur fyrir ýmsum viðburðum sem efla Austurland. Þar á meðal er móttaka blaðamanna, skipulag ráðstefna eins og Mannamóts, ferðaleiðir á Austurlandi og umsjón Austurlands-appsins. Austurbrú sinnir einnig byggðaþróun og vinnur verkefni tengd byggðaáætlun, veitir ráðgjöf til atvinnulífsins varðandi nýsköpun og framþróun auk þess að styðja við hagsmunamál landshlutans s.s. húsnæðisþróun og mannfjöldaspár auk vinnumarkaðsgreininga. Austurbrú er leiðandi afl varðandi menntamál á Austurlandi og sinnir símenntun; þar með talin símenntun fagstétta, fræðsluáætlanir fyrirtækja, framhaldsfræðsla og námsleiðum Fræðslumiðstöðvar atvinnulífsins og háskólamálum hvað varðar próftöku og þróun námsframboðs. Ennfremur eru málefni innflytjenda viðfangsefni Austurbrúar sem er leiðandi í kennslu íslensku á Austurlandi. Að auki hefur Austurbrú daglega umsýslu Sambands sveitarfélaga á Austurlandi á sínu starfssviði og öll málefni sem tengjast landshlutasamtökunum og samskiptum við stjórnvöld.

Vinnustaðurinn

Verkefnastjóri farsældar á Austurlandi

Ert þú framsækinn og drífandi verkefnastjóri? Hefur þú brennandi áhuga á farsældarmálum og jákvæðri þróun Austurlands? Ertu öflugur í teymisvinnu og átt auðvelt með að skapa heildarsýn yfir málefni?

Austurbrú auglýsir nýtt starf verkefnastjóra í málefnum farsældar á Austurlandi. Um er að ræða starf til tveggja ára sem ætlað er að vinna að markmiðum samnings Sambands sveitarfélaga á Austurlandi (SSA) við ráðuneyti mennta- og barnamála.

Verkefni starfsins eru fjölþætt og felast meðal annars í að koma á fót Farsældarráði á Austurlandi sem ætlað er að samþætta þjónustu í þágu farsældar barna.

Verkefnið er á svæðisvísu og verkefnastjóri mun vinna með hagaðilum á öllu Austurlandi, starfið krefst reglubundinnar viðveru á öllum starfsstöðvum Austurbrúar. Búseta á Austurlandi er skilyrði og verkefnastjóri þarf að hafa bílpróf.

Við leitum að verkefnastjóra sem er jákvæður og skipulagður, á auðvelt með að skapa tengsl og eiga í samskiptum við ólíka aðila. Ef þú vilt vinna að mikilvægum og kraftmiklum verkefnum sem fela í sér fjölbreytt viðfangsefni sem efla samfélagið, þá er þetta starfið fyrir þig.

Helstu verkefni og ábyrgð

Virkt samráð við sveitarfélög og þjónustuveitendur farsældar á Austurlandi.
Mótun verkferla og verkáætlunar í málefnum farsældar.
Umsjón með farsældarráði Austurlands og umsýsla fyrir ráðið.
Yfirsýn og kortlagning á þjónustu varðandi börn.
Tengiliður við samráðsvettvanginn og verkefnið Öruggara Austurland.
Samskipti við hagaðila og stofnanir.
Stefnumótun og miðlun.
Þverfagleg teymisvinna innan allra verkefna
Önnur tengd og tilfallandi verkefni sem viðkomandi eru falin.

Menntunar- og hæfniskröfur

Háskólamenntun á framhaldsstigi sem nýtist í starfi (s.s. á sviði félagsmála, verkefnastjórnunar eða laga).
Mikil hæfni í samskiptum og reynsla af teymisvinnu.
Sjálfstæð og öguð vinnubrögð.
Þekking og reynsla af velferðarmálum er kostur.
Þekking og reynsla af verkefnastjórnun er kostur.
Þekking á samfélagi svæðisins er kostur.
Mjög góð færni í íslensku og ensku.
Mjög góð tölvu- og tæknifærni.
Framsýni, jákvæðni og sveigjanleiki.
Búseta á Austurlandi.
Bílpróf.

Fríðindi í starfi

Sveigjanlegur vinnutími.
Heimavinnudagar.
Heilsustyrkur.

Umsókn skal fylgja:

Ferilskrá.
Kynningarbréf þar sem fram koma forsendur umsóknar og hvernig umsækjandi uppfyllir starfskröfur.

Umsóknir skal senda til Tinnu Halldórsdóttur yfirverkefnastjóra innri mála tinna@austurbru.is

Frekari upplýsingar veitir Dagmar Ýr Stefánsdóttir, framkvæmdastjóri Austurbrúar og SSA dagmar@austurbru.is

Umsóknarfrestur: Til og með 15. október 2024

Óskað er eftir að viðkomandi geti hafið störf sem fyrst í að lágmarki 80% starfshlutfalli. Búseta á Austurlandi er skilyrði. Laun eru greidd samkvæmt kjarasamningi Sambands íslenskra sveitarfélaga og Visku. Austurbrú er þverfaglegur og spennandi vinnustaður sem er leiðandi í stoðþjónustu á Austurlandi hvað varðar atvinnulíf, menntun, byggðaþróun og menningu. Austurbrú hefur hlotið jafnlaunavottun og er EQM vottuð stofnun á sviði fræðslumála og á lista Creditinfo um framúrskarandi fyrirtæki undanfarin ár.

Auglýsing birt27. september 2024

Umsóknarfrestur15. október 2024

Tungumálahæfni