Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og tvö stoðsvið, stjórnsýslusvið og fjármálasvið. Öll störf hjá bænum falla undir eitt af þessum sviðum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni.. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Menntasvið leitar að leiðtoga frístundadeildar

Menntasvið Kópavogsbæjar leitar að öflugum leiðtoga í starf deildarstjóra frístundadeildar. Menntasvið annast rekstur grunnskóla, leikskóla, starfsemi dagforeldra, skólahljómsveitar, félagsmiðstöðva, frístundaheimila og íþróttamála og þjónustar um sjö þúsund börn og fjölskyldur þeirra.

Frístundadeild ber ábyrgð á starfsemi 9 félagsmiðstöðva, frístundaklúbbs fyrir börn með stuðningsþarfir í 5.-10. bekk og Molans, miðstöðvar unga fólksins.

Um er að ræða spennandi tækifæri fyrir framsækinn einstakling sem hefur áhuga á að taka þátt í áframhaldandi sókn í málefnum frístunda hjá Kópavogsbæ og brennur fyrir farsæld barna og framsæknu frístundastarfi.

Deildarstjóri frístundadeildar er næsti yfirmaður verkefnastjóra á frístundadeild, forstöðumanna félagsmiðstöðva, frístundaklúbbs og starfsfólks Molans.

Deildarstjóri er faglegur leiðtogi í frístundamálum og ber ábyrgð á gæðum, þróun og nýbreytni í félagsmiðstöðvum og öðru frístundastarfi Kópavogsbæjar. Hann vinnur í nánu samstarfi við stjórnendur frístunda í grunnskólunum og veitir þeim faglega ráðgjöf. Kópavogsbær er annað tveggja sveitarfélaga á landinu sem nýtur viðurkenningar Unicef sem barnvænt sveitarfélag og vinnur markvisst eftir greinum barnasáttmála Sameinuðu þjóðanna og menntastefnu Kópavogsbæjar.

Helstu verkefni og ábyrgð

Fagleg forysta og frumkvæði að stefnumarkandi tillögum um nýbreytni og þróun í frístundastarfi
Ábyrgð á daglegu starfi, stjórnun og rekstri frístundadeildar
Ábyrgð á ráðgjöf og stuðningi við stjórnendur varðandi stjórnun, rekstur, mannauðsmál og fagleg málefni
Þátttaka í gerð og eftirfylgni fjárhagsáætlunar frístundadeildar
Ábyrgð á mati og eftirliti með frístundastarfi í samræmi við lög og reglugerðir og menntastefnu sveitarfélagsins
Umsjón með framkvæmd, eftirfylgni og stuðningi við forvarnir og verkefni tengd aðgerðaráætlun menntastefnu og barnvæns sveitarfélags
Ábyrgð á undirbúningi funda ungmennaráðs og úrvinnslu funda
Vinnur að samþættingu og samstarfi frístunda- og skólastarfs með það að markmiði að efla heildstæðan stuðning við nemendur í grunnskólum Kópavogsbæjar
Mótun og eftirfylgni árangursríks samstarfs við samtök foreldra
Stuðlar að árangursríku samstarfi við aðrar deildir og svið innan sem utan sveitarfélagsins
Ábyrgð á skipulagi endurmenntunar og þjálfunar sem stuðlar að þróun í frístundastarfi fyrir stjórnendur og starfsfólk frístundadeildar og grunnskóladeildar

Menntunar- og hæfniskröfur

Háskólamenntun á sviði stjórnunar, menntavísinda, félagsvísinda eða önnur menntun sem nýtist í starfi
Framhaldsmenntun sem nýtist í starfi (MA/MS)
Góð þekking og reynsla af stjórnun og rekstri
Góð þekking og reynsla af starfsumhverfi frístunda og grunnskóla
Reynsla af stefnumótun og áætlanagerð
Reynsla og þekking af opinberri stjórnsýslu æskileg
Reynsla af verkefna- og viðburðastjórnun æskileg
Sýn og vilji til nýbreytni og þróunar í frístundamálum
Frumkvæði, lausnamiðuð hugsun og metnaður til að ná árangri í starfi
Leiðtogahæfni, jákvætt viðhorf og góð hæfni í mannlegum samskiptum
Sjálfstæði í vinnubrögðum og skipulagsfærni
Færni og reynsla til að tjá sig skipulega bæði í ræðu og riti á íslensku og ensku æskileg
Góð tölvukunnátta