Starfsmaður í dagþjálfun - Laugarás

Hrafnista Laugarás óskar eftir að ráða öflugan einstakling í 90% starf í dagþjálfun.

Dagþjálfun sér um að þjónusta einstaklinga með heilabilunarsjúkdóma og er meginmarkmið í starfsemi deildarinnar að rjúfa einangrun skjólstæðinga sinna sem og að efla þá í að taka þátt í daglegum athöfnum, þjálfa hug og hönd eins og geta hvers og eins býður.

Áhersla er lögð á að gera einstaklingnum kleift að búa heima og viðhalda sjálfsbjargargetu með því að bjóða upp á örvandi og hvetjandi starfssemi.

Í dagþjálfun starfar öflugur hópur með fjölbreytta reynslu þar sem rík áhersla er lögð á uppbyggilegt samstarf og jákvæðan starfsanda. Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.