Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og áhugamál. Hrafnista leitast við að ráða, efla og halda hæfu starfsfólki. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Umönnun Framtíðarstarf - Sléttuvegur

Ert þú samviskusamur og drífandi einstaklingur í leit að skemmtilegu starfi í haust?

Langar þig að starfa við að gera líf annarra innihaldsríkara og hafa raunveruleg áhrif í vinnunni?

Þá erum við mögulega að leita að þér!

Hrafnista Sléttuvegi leitar að öflugu starfsfólki í fjölbreytt umönnunarstörf. Um er að ræða 90% starf í vaktavinnu. Mikilvægt er að viðkomandi geti unnið dagvaktir í bland við aðrar vaktir.

Starfsfólk í umönnun sinnir fjölbreyttum verkefnum og er enginn vinnudagur eins. Það starfar náið með íbúum og aðstoðar þá meðal annars við fataskipti, böðun, salernisferðir, matmálstíma, lyfjainntöku og félagslegan stuðning.

Æskilegt er að viðkomandi geti hafið störf í kringum mánaðamót ágúst/september.

Helstu verkefni og ábyrgð

Aðstoða íbúa við athafnir daglegs lífs

Menntunar- og hæfniskröfur

Góð færni í samskiptum
Sjálfstæði í starfi og stundvísi
Metnaður í starfi og öguð vinnubrögð

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir. Á Hrafnistu Sléttuvegi búa 99 íbúar og þar er veitt sólarhrings hjúkrunar- og læknisþjónusta.

Hrafnista vinnur eftir hugmyndafræði Hrafnistu. Hugmyndafræðin snýr að því að Hrafnista ætlar að vera leiðandi í öldrunarþjónustu á Íslandi og vinnur að því að veita öldruðum áhyggjulaust ævikvöld. Til að taka markviss skref í átt að þessari sýn vinnum við stöðugt að því markmiði að veita framúrskarandi þjónustu svo íbúar, aðrir þjónustuþegar og aðstandendur upplifi öryggi, traust og vellíðan - en það teljum við vera hornsteina þess virðis sem við viljum skapa fyrir okkar viðskiptavini.

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar nánari upplýsingar eru veittar í gegnum starf@hrafnista.is og 50Skills.

Auglýsing stofnuð25. júní 2024

Umsóknarfrestur7. júlí 2024

Tungumálahæfni