Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík í meira en 50 ár og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Vinnustaðurinn

Sérfræðingur í umbótaverkefnum

Ertu lausnamiðaður, drífandi og skipulagður einstaklingur með reynslu af umbótastarfi?

Rio Tinto á Íslandi (ISAL) leitar að öflugum sérfræðingi í umbótaverkefnum til að taka þátt í og leiða vinnu við fjölbreytt verkefni þvert á allar deildir fyrirtækisins. Um krefjandi og fjölbreytt starf er að ræða þar sem viðkomandi kemur til með að sjá verkefni frá hugmynd til innleiðingar.

Helstu verkefni og ábyrgð

Stýring og eftirfylgni umbótaverkefna í samstarfi við stjórnendur og teymi.
Greining á núverandi ferlum og gerð tillagna að umbótum.
Veita ráðgjöf og þjálfun um bestu aðferðir við innleiðingu umbóta.
Þjálfun og kennsla fyrir starfsfólk ásamt þróun kennsluefnis.
Þátttaka í innri úttektum og aðstoð við umbætur sem fylgja þeim.

Menntunar- og hæfniskröfur

Háskólamenntun sem nýtist í starfi, t.d. á sviði verk- eða tæknifræði.
Reynsla af vinnu við umbótaverkefni, verkefnastjórnun eða skyld störf kostur.
Sjálfstæð og lausnamiðuð vinnubrögð með getu til að takast á við flókin verkefni.
Framúrskarandi skipulagshæfni ásamt færni í mannlegum samskiptum og getu til að starfa í teymi.
Góð íslensku - og enskukunnátta ásamt hæfni til að miðla upplýsingum á skýran og hvetjandi hátt.
Þekking á straumlínustjórnun/LEAN og áhugi á stafrænum lausnum er kostur.
Þekking á gæðakerfum (s.s. ISO 9001, ISO 45001) er kostur.
Góð tölvukunnátta.

Fríðindi í starfi

Frítt fæði í mötuneyti
Heilsustyrkur
Fæðingarorlofsstyrkur allt að 18 vikur á óskertum launum
Velferðartorg
Þátttaka í hlutabréfakaupum
Öflugt þjálfunar - og fræðslustarf

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.

Forsenda allra ráðninga hjá ISAL er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um störf hjá ISAL.

Auglýsing birt23. janúar 2025

Umsóknarfrestur4. febrúar 2025

Tungumálahæfni