Tæknimaður á viðhaldssviði

Linde Gas óskar eftir að ráða tæknimann á viðhaldssviði til starfa í súrefnisverksmiðju í Vogum á Vatnsleysuströnd og kolsýruframleiðsluverksmiðju að Hæðarenda í Grímsnesi. Leitað er að drífandi og sjálfstæðum einstaklingi sem er lausnamiðaður og sýnir frumkvæði. Viðkomandi verður hluti af rekstrarteymi verksmiðjanna og starfar undir verksmiðjustjóra sem er staðsettur í Vogum. Um er að ræða spennandi og krefjandi starf með fjölbreyttum áskorunum.

Helstu verkefni og ábyrgð:

• Fyrirbyggjandi viðhald í Vogum og á Hæðarenda
• Þátttaka í efnagreiningu framleiðslunnar
• Ábyrgð á ræsingu og stöðvun framleiðslu vegna viðhalds eða bilana
• Framleiðslustjórnun verksmiðjanna í Vogum og Hæðarenda
• Bilanagreiningar í framleiðsluferli
• Greiningar og umbætur á framleiðslukerfinu
• Gerð viðgerðarbeiðna í viðhaldskerfi SAP
• Umsjón með stýrikerfi verksmiðjanna
• Ýmis önnur tilfallandi verkefni

Menntunar og hæfniskröfur:

• Menntun á sviði vélstjórnar, vélfræði, kælitækni eða rafvirkjunar
• Reynsla af framleiðsluferli og að leysa tæknileg vandamál
• Frumkvæði, sjálfstæði og lausnamiðuð hugsun
• Framúrskarandi samskiptahæfni
• Ökuskírteini og hreint sakavottorð
• Mjög gott vald á íslensku og ensku
• Góð þekking á Office og SAP, reynsla af öðrum viðhaldskerfum kostur

Linde Gas ehf. er hluti af The Linde group, sem er leiðandi gasfyrirtæki með yfir 50.000 starfsmenn og er stærsti framleiðandi af gasi í heiminum. Linde vinnur bæði með lyfja- líftæknifyrirtækjum, járn og stáliðnaði, matvælaiðnaðinum og heilsugeiranum. Öll framleiðsla verksmiðjunnar er fyrir iðnað þar sem mikilla gæða er krafist. Hjá Linde á Íslandi starfa um 35 manns.

Linde býður upp á góða starfsþjálfun, góð starfsskilyrði og leggur mikla áherslu á öryggi og vellíðan starfsmanna. Launakerfið býður upp á bónusgreiðslur og gert er ráð fyrir að viðkomandi sé hluti að bakvaktarkerfi verksmiðjanna.

Umsóknarfrestur er til og með 27. janúar 2024. Umsókn þarf að fylgja starfsferilskrá og kynningarbréf þar sem gerð er grein fyrir hæfni umsækjanda sem nýtist í starfi. Farið verður með allar fyrirspurnir og umsóknir sem trúnaðarmál og þeim svarað að ráðningu lokinni.
Nánari upplýsingar veitir Þuríður Pétursdóttir (thuridur@intellecta.is) í síma 511-1225.