Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og tvö stoðsvið, stjórnsýslusvið og fjármálasvið. Öll störf hjá bænum falla undir eitt af þessum sviðum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni.. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Ráðgjafi í málefnum barna og ungmenna-Molinn

Ráðgjafi í Molanum miðstöð unga fólksins vinnur að snemmtækum stuðningi sem miðar að því að börn og ungmenni fái styrkingu sem fyrst í samstarfi við bæði grunnskóla í Kópavogi og framhaldsskóla, í þeim tilgangi að styrkja félagslega virkni og/eða til náms og atvinnu. Ráðgjafi hefur umsjón með og skipuleggur samfellda þjónustu er snýr að stuðningi við börn og ungmenni í Kópavogi.

Ráðgjafi starfar í Molanum þar sem lögð er áhersla á faglega og fjölbreytta starfsemi þar sem rödd barna og ungmenna hefur mikið vægi. Unnið er með hæfileika og styrkleika þeirra, þeim tryggð jöfn tækifæri með það að markmiði að efla þau, styrkja og þroska til virka þátttöku í samfélaginu á sama tíma og þörfum þeirra fyrir aðstöðu til afþreyingar, frítíma- og ungmennastarfs og skapandi verkefna er mætt.

Helstu verkefni og ábyrgð

Umsjón með mótun verklags til samþættingar þjónustu og stuðnings við börn og ungmenni í Kópavogi.
Ábyrgð á einstaklingsmiðaðri ráðgjöf til barna og ungmenna, sem tekur mið af þörfum hvers og eins.
Vinnur í samstarfi við grunnskóla, framhaldsskóla, félagsmiðstöðvar, ráðgjafa á velferðarsviði og stuðlar markvisst að heildstæðri þjónustu Molans miðstöð unga fólksins.
Vinnur að því að styðja við samfellu á milli grunnskóla og framhaldskóla í þeim tilgangi að styrkja félagslega virkni ákveðins hóp barna og ungmenna til náms eða atvinnu.
Kemur á samstarfi við þá aðila sem bjóða upp á leiðir til að styrkja börn og ungmenni til þátttöku á vinnumarkaði.
Tekur virkan þátt í kynningu á þjónustu Molans miðstöð unga fólksins fyrir starfsfólki þvert á deildir og svið í sveitarfélaginu og á höfuðborgarsvæðinu, í grunnskólum og félagsmiðstöðvum í Kópavogi og framhaldsskólum á höfuðborgarsvæðinu.
Skipuleggur og heldur utan um sértækt hópastarf í Molanum miðstöð unga fólksins sem snýr að stuðningi og ráðgjöf við hópa barna og ungmenna í samstarfi við aðra sem vinna að málefnum barna og ungmenna.
Framkvæmir önnur þau verkefni sem deildarstjóri frístundadeildar og sviðsstjóri menntasviðs fela honum og falla að hans starfssviði.

Menntunar- og hæfniskröfur

Háskólamenntun á sviði félags- og menntavísinda eða sambærileg menntun sem nýtist í starfi.
Reynsla af störfum með börnum og ungmennum í skipulögðu frístundastarfi.
Þekking og reynsla af þjónustu ungmennahúsa eða sambærilegu starfi.
Reynsla af þverfaglegu samstarfi í mótun þjónustu við börn og ungmenni.
Færni í samskiptum, jákvætt viðmót og áhuga af starfi með börnum og ungmennum.
Frumkvæði og sjálfstæði í störfum.
Góð skipulagshæfni og fagleg vinnubrögð.
Góð íslenskukunnátta æskileg.

Fríðindi í starfi

Starfsfólk Kópavogsbæjar fær frían aðgang að sundlaugum bæjarins

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Launakjör eru samkvæmt kjarasamningi Samband íslenskra sveitarfélaga og viðeigandi stéttarfélags.

Um er að ræða 100% starfshlutfall.

Eingöngu er tekið við umsóknum í gegnum ráðningavef Alfreðs.

Umsóknarfrestur er til og með 10. mars 2025.

Öllum umsóknum verður svarað þegar ákvörðun um ráðningu hefur verið tekin.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Allir einstaklingar sem ráðnir eru til starfa á menntasvið þurfa að gefa heimild til upplýsingaöflunar úr sakaskrá.

Nánari upplýsingar veitir Victor Berg Guðmundsson, deildarstjóri frístundadeildar, sími 441-0000.

Auglýsing birt28. febrúar 2025