Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og tvö stoðsvið, stjórnsýslusvið og fjármálasvið. Öll störf hjá bænum falla undir eitt af þessum sviðum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni.. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Þjónustustjóri Kópavogsbæjar

Viltu hafa áhrif á hvernig þjónusta Kópavogsbæjar þróast og mótast til framtíðar?

Kópavogsbær leitar að öflugum og framsýnum þjónustustjóra sem hefur skýra sýn á hvernig hægt er að bæta og efla þjónustu sveitarfélagsins, bæði innanhúss og gagnvart íbúum.

Í þessu lykilhlutverki færðu tækifæri til að móta þjónustustefnu, leiða nýsköpun í þjónustu, innleiða skilvirkari lausnir og tryggja að þjónusta bæjarins sé nútímaleg, fagleg og aðgengileg.

Ef þú hefur brennandi áhuga á að leiða breytingar og skapa framúrskarandi þjónustumenningu – þá er þetta starfið fyrir þig!

Þjónustustjóri er í lykilhlutverk innan stjórnendateymis Kópavogsbæjar og vinnur náið með bæjarstjóra og stjórnendum sviða og stofnana.

Skrifstofa þjónustu Kópavogsbæjar mótar og framfylgir þjónustustefnu bæjarins, bæði í innri og ytri starfsemi.

Helstu verkefni og ábyrgð

Dagleg stjórnun skrifstofunnar og þeirra málaflokka sem undir hana heyra
Leiðir stefnumótun og skipulag innri og ytri þjónustu þvert á svið, skrifstofur og stofnanir bæjarins
Leiðir þjónustuver Kópavogsbæjar og setur skýr þjónustumarkmið fyrir sveitarfélagið
Setur heildarmarkmið varðandi þjónustu við íbúa og aðra hagaðila.
Setur markmið um miðlæga þjónustu þvert á svið, skrifstofur og stofnanir bæjarins í samvinnu við aðra stjórnendur
Ábyrgð á og leiða verkefni sem snúa að gæðamálum og almennri þjónustu við íbúa
Hanna, innleiða og bæta þjónustuferla með þarfir íbúa og starfsfólks í fyrirrúmi og setur þjónustumarkmið fyrir starfsemi sveitarfélagsins
Undirbýr og aðstoðar við gerð fjárhagsáætlana þeirra starfseininga sem undir hann heyra
Ábyrgð á framkvæmd stefnu í innkaupamálum og samskiptum við birgja
Umsjón og ábyrgð á upplýsingatækni, rekstrar- og notendaþjónustu, netöryggismála og hugbúnaðarþróunar bæjarins
Ábyrgð á fasteignaumsjón og mötuneyti
Starfar samkvæmt stefnu bæjarstjórnar og fjárhagsáætlun hverju sinni

Menntunar- og hæfniskröfur

Háskólamenntun sem nýtist í starfi og framhaldsmenntun á háskólastigi
Farsæl reynsla af stjórnun og sterk leiðtogahæfni
Reynsla af því að leiða fjölbreytt verkefni og teymi
Góð þekking á verkefna- og breytingastjórnun
Skýr framtíðarsýn og vilji til umbóta
Reynsla af rekstri og hæfni til að tryggja hagkvæma og ábyrga nýtingu fjármuna
Góð þekking á þjónustustýringu
Þekking af opinberum innkaupum er kostur
Reynsla af nýtingu upplýsingakerfa og tæknilausna til að bæta þjónustu og skilvirkni
Þekking af opinberri stjórnsýslu er kostur
Frumkvæði, sjálfstæði og lausnamiðaðri hugsun
Mjög góð samskiptahæfni og hæfileiki til að byggja upp traust og árangursríkt samstarf
Góð færni í að tjá sig í ræðu og riti, bæði á íslensku og ensku

Fríðindi í starfi

Starfsfólk Kópavogsbæjar fær frían aðgang að sundlaugum bæjarins

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Umsóknarfrestur er til og með 14. mars 2025.

Nánari upplýsingar um starfið veita ráðgjafar Attentus í gegnum netfangið [email protected] og Sigríður Þrúður Stefánsdóttir mannauðsstjóri Kópavogsbæjar í gegnum netfangið, [email protected].

Auglýsing birt28. febrúar 2025

Umsóknarfrestur14. mars 2025

Tungumálahæfni