Sálfræðingur / heilbrigðisstarfsmaður - því lífið liggur við

Krabbameinsfélagið óskar eftir öflugum sálfræðingi (eða öðrum heilbrigðisstarfsmanni með reynslu af ráðgjöf) til að ganga til liðs við hóp metnaðarfullra sérfræðinga sem starfar við ráðgjöf og stuðning við fólk með krabbamein og aðstandendur þeirra. Sérfræðingar Krabbameinsfélagsins starfa í þverfaglegu umhverfi þar sem áhersla er lögð á samvinnu og fagleg vinnubrögð.

Vegna sívaxandi eftirspurnar eftir þjónustu vantar okkur öflugan einstakling í hópinn. Starfið er fjölbreytt og gefandi fyrir metnaðarfullan sálfræðing. Í starfinu færðu tækifæri til að vinna með fjölbreyttum hópi fólks sem stendur frammi fyrir einu erfiðasta verkefni lífs síns. Að greinast með krabbamein vekur upp fjölda tilfinninga, jafnt hjá þeim sem greinist og aðstandendum. Í stuttu máli felst starfið í að taka á móti fólki og hjálpa því að fóta sig í nýjum og oft krefjandi aðstæðum. Starfið er ótrúlega gefandi og áhugavert. Við fullyrðum að óvíða fáist eins góð sýn á aðlögunarhæfni fólks.

Hópurinn sem leitar til Krabbameinsfélagsins er að takast á við hin ýmsu vandamál sem tengjast veikindunum eða því að vera aðstandandi. Helstu verkefni fyrir utan stuðningsviðtöl, ráðgjöf og námskeiðshald eru: kvíði (ofsakvíði og fælni), depurð, þunglyndi, sorg, verkir, lágt sjálfsmat og svefnvandi.