Laus störf Hæfnileit Vinnustaðir Námskeið

Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og fjórar skrifstofur sem starfa þvert á sviðin, skrifstofa umbóta og þróunar, skrifstofa þjónustu, skrifstofa mannauðs- og kjaramála og skrifstofa áhættu- og fjárstýringar. Öll störf hjá bænum falla undir eitt af þessum sviðum eða skrifstofum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Áhættu- og fjárstýringastjóri Kópavogsbæjar

Viltu stýra áhættu- og fjárstýringu í einu stærsta sveitarfélagi landsins?

Kópavogsbær leitar að drífandi og reynslumiklum áhættu- og fjárstýringarstjóra sem er tilbúinn að leiða fjármála- og áhættustýringarstarf sveitarfélagsins með skýrri sýn og sterkri leiðtogahæfni.

Í þessu lykilstarfi færðu tækifæri til að móta og þróa fjármálastefnu og stuðla að skynsamlegri og árangursríkri nýtingu fjármuna sveitarfélagsins. Áhættu- og fjárstýringarstjóri starfar í nánu samstarfi við bæjarstjóra og stjórnendur bæjarins og er lykilaðili í stjórnendateymi sveitarfélagsins.

Skrifstofan fer fyrir stefnumótun og framkvæmd fjármála- og áhættustýringar sveitarfélagsins. Undir skrifstofu fjármála- og áhættustýringar heyrir m.a. áhættu- og fjárstýring, vinna við gerð fjárhagsáætlunar, árshluta- og ársreiknings, ýmiss konar rekstrargreiningar þvert á svið og skrifstofur, innheimta og bókhald. Skrifstofan ber ábyrgð á greiningum vegna ýmiskonar stefnumörkunar, áætlanagerðar og rekstrar, eftirliti og eftirfylgni með framkvæmd fjárhagsáætlunar og öðrum fjárhagslegum áætlunum. Hlutverk skrifstofunnar er einnig að vera leiðandi í þróun og samhæfingu stjórnendaupplýsinga í samvinnu við framkvæmdastjórn sveitarfélagsins og ráðgjöf þar að lútandi.

Helstu verkefni og ábyrgð

Dagleg stjórnun skrifstofunnar og málaflokka sem undir hana heyra
Fjármálaþjónusta, fjármála- og rekstrarráðgjöf og ýmiskonar greiningar vegna stefnumörkunar, áætlanagerðar og rekstrar fyrir svið, skrifstofur og starfsstöðvar Kópavogsbæjar
Leiðir og ber ábyrgð á gerð fjárhagsáætlunar, fjárhagsuppgjörs og ársreikninga þvert á sveitarfélagið
Ábyrgð á eftirliti og eftirfylgni með fjárhagsáætlun og öðrum fjárhagslegum áætlunum
Ábyrgð á skulda- og lausafjárstýringu sveitarfélagsins
Ráðgjöf og stuðningur við gerð launaáætlunar í samvinnu við skrifstofu mannauðs- og kjaramála
Leiðir framkvæmd og mótar verkferla hvað varðar rekstrar- og frávikagreiningar
Þróar og innleiðir umgjörð um heildstæða og samræmda áhættu- og fjárstýringu og innra eftirlit
Framkvæmd samræmdrar og heilstæðrar áhættustýringar og þróun ferla á grundvelli áhættustefnu sveitarfélagsins, þvert á svið og skrifstofur Kópavogsbæjar
Yfirsýn og eftirfylgni umbótaverkefna

Menntunar- og hæfniskröfur

Háskólamenntun sem nýtist í starfi og framahaldsmenntun á háskólastigi
Farsæl reynsla af stjórnun rekstrar og mannauðs og sterk leiðtogahæfni
Mjög góð greiningarhæfni og færni í framsetningu gagna
Yfirgripsmikil þekking á íslenskum fjármálamarkaði og skuldastýringu
Reynsla af stýringu fjármagns, einkum með tillit til lausafjárstýringar
Yfirgripsmikil þekking á þróun efnahagsstærða og skilningur á áhrifum þeirra á skuldir og rekstur sveitarfélaga
Víðtæk reynsla af gerð og greiningu ársreikninga
Reynsla af þátttöku í skuldabréfaútgáfu, þar með talið gerð útgáfulýsinga og greiningu á vaxta- og verðbólguáhættu skuldabréfa
Viðamikil reynsla af áhættustýringu
Gott vald á upplýsingatækni og notkun hennar við úrvinnslu og meðhöndlun gagna
Frumkvæði, sjálfstæði og lausnamiðuð nálgun
Mjög góð samskiptahæfni og hæfileikar til að byggja upp traust og árangursríkt samstarf
Hæfni til að byggja upp og leiða teymi sem starfar þvert á svið
Góð færni í að tjá sig í ræðu og riti, bæði á íslensku og ensku
Þekkingu á innri endurskoðun, opinberri stjórnsýslu og skilningi á opinberum rekstri er kostur

Fríðindi í starfi

Starfsfólk Kópavogsbæjar fær frían aðgang að sundlaugum bæjarins

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Umsóknarfrestur er til og með 14. mars 2025.

Nánari upplýsingar um starfið veita ráðgjafar Attentus í gegnum netfangið [email protected] og Sigríður Þrúður Stefánsdóttir mannauðsstjóri Kópavogsbæjar í gegnum netfangið, [email protected].

Auglýsing birt28. febrúar 2025

Umsóknarfrestur14. mars 2025

Tungumálahæfni