Fellaskóli Fellabæ

Fellaskóli í Fellabæ er grunnskóli þar sem lögð er áhersla á að efla bókvit, verkvit og siðvit jöfnum höndum. Í skólanum eru um 100 nemendur og þeim er skipt niður á þrjú stig; yngsta stig ( 1. – 4. bekk), miðstig ( 5. – 7. bekk) og unglingastig (8. – 10.) bekk. Á hverju stigi starfa kennarar og annað fagfólk saman í teymum. Við skipulag kennslu er horft til þess að nemendur eru á hverjum tíma mislangt komin á mismunandi sviðum þroska. Nemendur hafa einnig mismunandi styrkleika, áhugasvið og getu. Námi og öðru starfi skólans er ætlað að stuðla að alhliða þroska nemandans út frá forsendum og hæfileikum hvers og eins. Skólastarfið miðast við að stuðla jafnt að tilfinningalegum og félagslegum þroska sem og vitsmunalegum.

Vinnustaðurinn

Kennara vantar frá áramótum 2024 - 2025

Fellaskóli í Múlaþingi auglýsir eftir kennara í 100% starf frá 1. janúar 2025.

Fellaskóli er 90. barna grunnskóli sem starfar samkvæmt aðferðum leiðsagnarnáms og byrjendalæsis. Uppeldisstefna skólans er jákvæður agi. Lögð er áhersla á útinám og samþættingu násgreina í lotuskipulagi, einnig á teymisvinnu og teymiskennslu.

Helstu verkefni og ábyrgð

Annast kennslu nemenda í samráði við skólastjórnendur, aðra kennara og foreldra.
Vinna samkvæmt stefnu skólans.
Stuðla að vegferð nemenda í samstarfi við foreldra og annað fagfólk.

Menntunar- og hæfniskröfur

Kennaramenntun og leyfisbréf kennara.
Reynsla og áhugi á að starfa með börnum.
Góð hæfni í samskiptum og sveigjanleiki í starfi.
Góð íslenskukunnátta.
Vilji til að starfa í teymum.

Launakjör eru samkvæmt kjarasamningi sveitafélagsins og Kennarasambands Íslands.

Umsóknum skal fylgja yfirlit yfir nám og fyrri störf og rökstuðningur fyrir hæfni viðkomandi í starfið. Farið er eftir jafnréttislögum við ráðningar í störf hjá sveitafélaginu.

Umsækjendum skal bent á að kynna sér fræðslubréf um vinnslu Múlaþings á persónuupplýsingum starfsumsækjanda, sem finna má á heimasíðu sveitafélagsins www. mulathing.is

Einastaklingar af öllum kynjum eru hvattir tl að sækja um stöðuna.

Þeir sem ráðnir eru til starfa hjá Fellaskóla þurfa að veita heimild til að leitað sé upplýsinga úr sakaskrá hjá Ríkissaksóknara.

Vinnustaðir Múlaþings eru reyklausir og fjölskylduvænir.

Nánari upplýsingar veitir Anna Birna Einarsdóttir skólastjóri í síma 4700640 eða á netfanginu anna.einarsdottir@mulathing.is

Auglýsing birt3. desember 2024

Umsóknarfrestur31. desember 2024

Tungumálahæfni