Leikskólakennari óskast á Heilsuleikskólann Holtakot
Heilsuleikskólinn Holtakot auglýsir eftir leikskólakennara í 100% starfshlutfall .
Holtakot er fjögurra deilda leikskóli þar sem lögð er áhersla á hreyfingu, listsköpun og hollt matarræði. Skólinn er Grænfánaskóli og starfar eftir "Uppeldi til ábyrgðar".
Einkunnarorð skólans eru: Jákvæðni, virðing og öryggi. Áhersla er lögð á metnaðarfullt starf.
Stefna leikskólans er að í skólanum starfi uppeldismenntað starfsfólk. Heimasíða leikskólans er http://www.holtakot.is/
• Vinnur með og undir stjórn deildarstjóra
• Vinnur að uppeldi og menntun leikskólabarna samkvæmt starfslýsingu leikskólakennara
• Tekur þátt í foreldrasamvinnu
• Leyfisbréf til kennslu*
• Að lágmarki 90 námseiningar á einu námssviði aðalnámskrár og menntunarfræði leikskóla
• Reynsla af starfi í leikskóla eða starfi með börnum er æskileg
• Ánægja af því að starfa með börnum
• Áhugi á heilsueflandi leikskólastarfi og hreyfingu
• Frumkvæði, samskiptahæfni og sjálfstæði í vinnu
• Sjálfstæði og skipulögð vinnubrögð
• Íslenskukunnátta á stigi B2 samkvæmt evrópska tungumálarammanum
*Fáist ekki starfsfólk með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.
• Á Holtakoti er vinnuskyldan í fullu starfi 36 stundir. Vikulegur vinnutími er 38 stundir og er tveimur klukkustundum safnað upp í frítöku vegna vetrarfría, páska- og jólafría. Sérstök skráning barna er í vetrar- og jólafríi en lokað er í dymbilviku, sem og 2. janúar. Full stytting eða einn frídagur í mánuði og hluti af styttingu safnað í frídaga (sem teknir eru utan sumarorlofstímabils)
• Opnunartími leikskólans er 7:30-16:30 mánud.- fimmtud. og 7:30-16:00 á föstudögum
• Fimm skipulagsdagar á ári
• 25% stöðugildi á hverri deild vegna snemmtækrar íhlutunar
• Afsláttur er af leikskólagjöldum og forgangur inn í leikskóla fyrir börn starfssfólks
• Eftir þrjá mánuði í starfi getur starfsfólk fengið árskort í sundlaugar bæjarins, menningarkort í Hönnunarsafnið og bókasafnskort og eftir sex mánuði í starfi getur starfsfólk fengið heilsuræktarstyrk.
• Leikskólar reknir af Garðabæ hafa til úthlutunar sérverkefnasjóð þar sem metnaðarfullt starfsfólk hafa tækifæri til að auka við laun sín.
Íslenska
